ठाणेकरांसाठी महत्वाची बातमी समोर आली आहे. ठाण्यात पावसाळापूर्व अत्यावश्यक निगा आणि देखभाल दुरुस्तीची कामे पालिकेने हाती घेतली आहेत. त्यामुळे बुधवारी ठाण्यातील पाणीपुरवठा बंद राहणार आहे.

पावसाळापूर्व विविध कामांसाठी ठाणे महापालिकेकडून दरवर्षी ही कामे केली जातात. पावसाळ्याआधी ज्या ठिकाणी पाईपलाईन फुटल्या आहेत त्याची दुरुस्ती करणे, तसेच काही पाईपलाईन या गंजलेल्या असतात त्या बदलणे अशी सर्व कामे केली जातात.

पाणीपुरवठा योजना आणि स्टेम प्राधिकरण या दोन्हींकडे बुधवार आणि गुरुवार २९ मे, २०२४ रोजी सकाळी ९.०० ते गुरूवार, ३० मे, २०२४ रोजी सायंकाळी ९.०० असे २४ तास पाणीपुरवठा बंद असणार आहे.

या शहरात पाणीपुरवठा बंद राहणार

ठाणे महापालिका क्षेत्रातील

घोडबंदर रोड

लोकमान्य नगर

जेल

गांधीनगर

इंटरनिटी

वर्तकनगर

साकेत

ऋतू पार्क

इंदिरानगर

श्रीनगर

समतानगर

रुस्तमजी

सिद्धांचल

रुपादेवी

सिद्धेश्वर

जॉन्सन यांच्यासह मुंब्रा आणि कळवा यांचा काही भाग येथील पाणीपुरवठा २४ तासांसाठी बंद राहणार आहे.

नवी मुंबईतही पाणीपुरवठा बंद राहणार

नवी मुंबईमध्ये देखील दुरुस्तीच्या कामासाठी काही भागात पाणीपुरवठा बंद राहणार आहे. खारघर आणि कामोठे नोडमध्ये उद्या म्हणजेच मंगळवारी पाणीपुरवठा बंद असेल. सिडकोच्या भोकरपाडा जलशुद्धीकरण केंद्रात दुरुस्तीच्या कामासाठी खारघर आणि कामोठे नोडमध्ये पाणीपुरवठा बंद असणार आहे. उद्या सकाळी 10 ते रात्री 12 या वेळेत पाणीपुरवठा बंद असेल. त्यामुळे नागरिकांनी आदल्या दिवशीच जास्त पाणीसाठा करून ठेवावा असं आवाहन करण्यात आलं आहे.