चेतन इंगळे

Virar Fight Video:

विरार पूर्व मनवेल पाडा मोहक सिटी समोरील मुख्य रस्त्यावर गुंडांच्या दोन गटात तुंबळ हाणामारी झाली आहे. काल मंगळवार (२६ डिसेंबर) रोजी रात्री 11:30 च्या सुमारास लाठी काठ्या आणी लोखंडी रॉडने गुंडांमध्ये हाणामारी झाली आहे. या हाणामारीमुळे परिसरातील लोकांमध्ये भीतीचे वातावरण परसले आहे.

दोन गुंडाच्या गटात ही हाणामारी झाली असून यात एकाच्या डोक्याला लोखंडी रॉडचा जोरात मार लागला असून तो जखमी झलाा आहे. (Latest News)

दोन गटातील हाणामारी एवढी तीव्र होती की,पोलिसांना याप्रकरणाची दखल घ्यावी लागली. या घटनेची माहिती मिळताच पोलीस घटनास्थळी पोहचले. पोलिसांना लाठी चार्ज करून मौपची पांगवा पांगवी करावी लागली आहे. पोलीस घटनास्थळी पोहचताच गुंड घटना स्थळावरुन फरार झाले आहेत. या हाणामारीचे कारण अद्याप समजू शकले नाहीये.

भर रस्त्यात हाणामारीच्या घटनेने परिसरतील नागरिकांमध्ये असुरक्षिततेचे वातावरण निर्माण झाले आहे. विरारमध्ये मुख्य रस्त्यात पोलीस असताना देखील गुंडांची दहशत पाहायला मिळत आहे. त्यामुळे विरार पोलिसांच्या कार्यक्षमतेवर एक प्रश्नचिन्ह उपस्थित होत आहे.

विरारमध्ये सातत्याने गुंडगिरी, हाणामारीच्या घटना वाढत आहेत. त्यामुळे पोलिसांनी परिसरात गस्त वाढवावी अशी मागणी आता सर्व सामान्य नागरिकांमधून करण्यात येत आहे. सध्या या हाणामारीचा व्हिडिओ सोशल मीडियावर वायरल झाला आहे. पोलीस याप्रकरणी आरोपींचा शोध घेत आहेत.