मुंबई : लव्ह जिहादचा मुद्दा विधीमंडळात गाजल्यानंतर आज विधीमंडळाच्या आवारातही याबाबत खुलेआम चर्चा झाला. लव्ह जिहादच्या मुद्द्यावरुन भाजप आमदार नितेश राणे आणि सपा आमदार अबू आझमी यांच्यात बाचाबाची झाल्याचं पाहायलं मिळालं.

मंत्री मंगलप्रभात लोढा यांनी सभागृहात लव्ह जिहादची १ लाख प्रकरण असल्याची माहिती दिली होती. या प्रकरणात लवकरच पुरावे सादर करणार असल्याचं आमदार नितेश राणे यांनी आज माहिती दिली. त्याचवेळी विधान भवनाच्या आवारात आमदार अबू आझमी आले.

लव्ह जिहादची प्रकरण खोटी असल्याच सांगत मुस्लीम समाजाला बदनाम करण्याचा प्रयत्न सुरु असल्याचं आमदार अबू आझमी यांनी म्हटलं. यावरुन नितेश राणे आक्रमक झाले आणि पत्रकार परिषदेला या असं आझमी यांना म्हणाले. (Latest News Update)

तुम्हालाही लव्ह जिहाद असतं हे मान्य करावं लागेल, असं नितेश राणे म्हणाले. तारीख आणि वेळ सांगा, मी तुम्हाला घेऊन जातो असंही नितेश राणेंनी म्हटलं. त्यावर अबू आझमी यांनी असं काही नाही हे सिद्ध करण्यासाठी मी तुम्हाला 50 ठिकाणी घेऊन जातो असं प्रत्युत्तर दिलं. तुम्ही प्रेमाची भाषा करता, पण इतरांनाही हे शिकवा असं नितेश राणे यावेळी अबू आझमींना म्हणाले.

नितेश राणेंनी यावेळी अनधिकृत मदरशांचा मुद्दाही उपस्थित केला. त्यावर अबू आझमी यांनी कोणत्याही धर्माचं असलं तरी अनधिकृत बांधकाम पाडलं पाहिजे असं मत मांडलं. मात्र कारवाईसाठी गेल्यास हत्यारं काढली जातात, असं नितेश राणेंनी म्हटलं. त्यावर अबू आझमी यांनी म्हटलं की, हे खोटं असून, मी कधीही तुमच्यासोबत येऊ शकतो.