मुंबईकरांचा प्रवास हा आणखी वेगवान होणार आहे. मुंबईकरांसाठी आता लवकरत वर्सोवा ते भाईंदर असा कोस्टल रोड बांधण्यात येणार आहे. वर्सोवा ते भाईंदर कोस्टल रोड बांधण्याचे काम वेगाने सुरु झाले आहे.

भाईंदर ते वर्सोवा फक्त ४० मिनिटात गाठता येणार (Versova-Bhayandar in just 40 minutes)

वर्सोवा ते भाईंदर हा कोस्टल रोड ५९.२६ किलोमीटर लांबचा असणार आहे. या मार्गामुळे वसोर्वा ते भाईंदर हा प्रवास खूप सोपा आणि सुखकर होणार आहे. या प्रवासासाठी सव्वा तास लागतो. आता हे अंतर फक्त ४० मिनिटांत पार केले जाणार आहे.त्यामुळे प्रवास जवळपास ५० मिनिटांनी कमी होणार आहे.

वाहतूक कोंडीपासून होणार मुक्तता

मुंबईतील वाहतूक कोंडी फोडण्यासाठी वर्सोवा ते भाईंदर हा प्रकल्प हाती घेतला आहे. या प्रकल्पाचे काम सुरु करण्यासाठी सध्या परवानगी, ना हरकत प्रमाणपत्र मिळवण्याची प्रोसेस सुरु आहे. या प्रकल्पासाठी लागणाऱ्या जमिनीचे संपादन वेगाने करावे, जमीन हस्तांतरित करण्याची प्रक्रिया जलदगतीने करण्याचे निर्देश दिले आहेत.

कोस्टल रोडची माहिती

एकूण लांबी- ५९.२६ किलोमीटर

मुख्य रस्ता-२१.८६ किमी

गोरेगाव- मुलुंड जोड रस्ता- ४.४७ लांबीचा रस्ता

आंतरबदलाचा रस्ता- ३२.८४ किलोमीटर

वर्सोवा ते भाईंदर प्रकल्कपाअंतर्गत काळवंदन हस्तांतरण प्रस्तावास नुकतीच मान्यता देण्यात आली आहे. या मार्गाच्या कामासंदर्भात भूगर्भ मातीचे सर्वेक्षण, प्रकल्पावर काम करत असताना नियोजन व आखणीमधील पर्यावरण, कामाच्या गुणवत्तेबाबत आखणी, वाहतूकीचे व्यवस्थापन याचा आढावा घेतला जात आहे. या प्रकल्पात येणारे साहित्य, यंत्रसामग्री व आराखडा बनवण्याचे काम सुरु आहे.