Vasai News : पोलिसांच्या सतर्कतेमुळे जळणा-या कारमधून तीन जणांचे प्राण वाचविण्यात पाेलिसांना यश आले आहे. ही घटना वसईतील भोईदापाडा (vasia bhoidapada) येथे घडली. या घटनेत कार संपुर्णत: जळून भस्मसात झाली आहे. या घटनेतील तिघांचे प्राण वाचविणा-या पाेलिसांचे समाज माध्यमातून काैतुक हाेऊ लागले आहे. (Maharashtra News)

वसई रेंज नाका येथे कार्यरत असणारे पोलीस हवालदार सुनील खरात (traffic police sunil kharat), रामदास पाटील (traffic police ramdas patil) हे दोघे कर्तव्य संपवून घरी जात असताना मंगळवारी रात्री पावणे दहाच्या सुमारास कारला भीषण आग लागली. याची माहिती पाेलिसांना मिळताच त्यांनी परतीचा मार्ग स्विकारात तातडीने हालचाली केल्या.

वाहन चालक हस्तीमल बोराणा चिंचोटी फॅक्टरी मधून मधुबनच्या दिशेने जात असताना भोयदा पाडा येथील टाटा शोरूमच्या समोर कारने पेट घेतला. बाेनेट मधून अचानक माेठ्या प्रमाणात धूर येऊ लागला.

यावेळी पोलीस हवालदार सुनील खरात आणि रामदास पाटील यांनी तातडीने अग्निशमन दलाच्या जवानांना तत्काळ माहिती दिली. यावेळी पाेलिसांनी घटनास्थळी दाखल होऊन कार मधील तिघांना बाहेर काढले.

त्यानंतर वसई विरार महानगरपालिकेच्या अग्निशमन दलाच्या जवान तत्काळ घटनास्थळी आल्याने कारवरील आगीवर नियंत्रण मिळविण्यात यश आले. या घटनेत कार संपुर्णत: जळाली मात्र पाेलिसांच्या सतर्कतेने तिघांचा जीव वाचला. यामुळे पाेलिसांचे सर्वत्र काैतुक हाेत आहे.

Edited By : Siddharth Latkar