Amit Shaha In Pune: "सहकार क्षेत्रात काही राज्ये चांगली काम करत आहेत ज्यामध्ये महाराष्ट्र एक आहे. ग्रामीण अर्थकारणाला सहकार चालना देते मोठे करते, असे म्हणत महाराष्ट्रातील सहकार चळवळ प्रचंड मोठी आहे," असे प्रतिपादन केंद्रिय गृहमंत्री अमित शहा यांनी केले आहे.

'सकाळ'च्या वतीने बँकिंग व साखर उद्योगासाठी सहकार महापरिषदेचं आयोजन करण्यात आले आहे, या कार्यक्रमात ते बोलत होते. या परिषदेसाठी केंद्रीय सहकारमंत्री अमित शाह (Union Home Minister Amit Shah) यांच्यासह मुख्यमंत्री एकनाथ शिंदे, उपमुख्यमंत्री देवेंद्र फडणवीस यांची उपस्थिती आहे.

काय म्हणाले अमित शहा..

"सहकार क्षेत्रात काही राज्ये चांगली काम करत आहेत ज्यामध्ये महाराष्ट्र एक आहे. शाहू महाराजांनी कास्तकरांसाठी एक संस्था सुरू केली. सहकार हा महाराष्ट्राचा स्वभाव आहे. विठ्ठलराव विखे पाटील, धनंजय गाडगीळ, वैकुंठ मेहता आणि अमुलचे संस्थापक यांचा त्यात समावेश आहे."

"महाराष्ट्रात सहकार क्षेत्रात पुर्वीपासून काम सुरू आहे. मी सुद्धा ३० वर्षांपेक्षा जास्त काळ सहकार क्षेत्रात काम केलं आहे," अशी प्रतिक्रिया अमित शहा यांनी यावेळी दिली.

महाराष्ट्रातील सहकार चळवळीचे केले कौतुक..

तसेच पुढे बोलताना त्यांनी "भारतातल्या सहकार क्षेत्रात 31 टक्के योगदान साखर उद्योगाचं असून 16 % दूध, गहू 13% आणि तांदूळ - 20% टक्के वाटा उचलत असल्याचे," सांगितले आहे. यावेळी ग्रामीण अर्थकारणाला सहकार चालना देते मोठे करते, असे म्हणत महाराष्ट्रातील सहकार चळवळ प्रचंड मोठी आहे," अशा शब्दात त्यांनी कौतुक केले.

दरम्यान, "या परिषदेत मांडल्या गेलेल्या अनेक मुद्द्यांची सोडवणूक करण्याचा प्रयत्न आम्ही करत आहोत, असे म्हणत सेंद्रिय शेती वाढत आहे. परंतु सेंद्रिय मालाला योग्य भाव मिळाला पाहिजे. त्यासाठी एक समिती गठित करुन एकच ब्रँड डेव्हलप करुन जगभरात माल विकण्यात येईल," अशी घोषणा शाह यांनी यावेळी केली.अशी आश्वासनही अमित शहा (Amit Shaha) यांनी दिले.