Ulhasnagar Latest Crime News: राज्यात गेल्या काही दिवसांत गुन्हेगारीच्या घटनांमध्ये मोठी वाढ झाल्याचे पाहायला मिळत आहे. अनैतिक संबंध, कौटुंबिक कलह, आर्थिक फसवणूक यातून हत्या आणि आत्महत्येच्या घटना सातत्याने समोर येत आहेत. त्यातच आता राज्यातील उल्हासनगर येथून एक धक्कादायक बातमी समोर आली आहे. या घटनेने परिसरात मोठी खळबळ उडाली आहे.  (Latest Marathi News)

दारूच्या नशेत एका व्यक्तीचा धक्का लागल्यानंतर वाद होऊन या इसमाची थेट हत्या करण्यात आल्याचा प्रकार उल्हासनगरमध्ये घडला आहे. याप्रकरणी मध्यवर्ती पोलिसांनी गुन्हा दाखल करत अवघ्या तासाभरातच आरोपीला बेड्या ठोकल्या आहेत.

उल्हासनगरच्या (Ulhasnagar) कॅम्प ३ मधील फॉलोवर लेन परिसरात गुरुवारी मध्यरात्री निरंजन यादव आणि अजय चव्हाण हे दोघे चालत जात होते. यावेळी त्यांना एकमेकांचा धक्का लागला. यावरून त्यांच्यात वाद होऊन अजय चव्हाण याने निरंजन याला लाकडी दांडक्याने मारहाण केली.

या मारहाणीत निरंजन हा जागीच कोसळला, तर अजय पळून गेला. याबाबत मध्यवर्ती पोलिसांना माहिती मिळताच पोलिसांनी (Police) घटनास्थळी धाव घेत निरंजनचा मृतदेह ताब्यात घेतला आणि मध्यवर्ती रुग्णालयात पाठवला. (Ulhasnagar Crime News)

या प्रकरणात अजय चव्हाणचं नाव निष्पन्न होताच अवघ्या तासाभरात पोलिसांनी त्याला बेड्या ठोकल्या. अजय चव्हाण याच्यावर यापूर्वी देखील दोन गुन्हे दाखल असल्याची माहिती वरिष्ठ पोलीस निरीक्षक मधुकर कड यांनी दिली आहे.