Dasara Melava 2023:

ठाकरे गटाचा दसरा मेळाव्याला सुरुवात झाली आहे. मुंबईच्या दादरमधील शिवाजी पार्कवर सुरु असलेल्या ठाकरे गटाच्या मेळाव्याला मोठ्या संख्येने शिवसैनिक जमले आहेत. या दसरा मेळाव्याच्या व्यासपीठावरुन ठाकरे गटाचे खासदार संजय राऊत यांनी सत्ताधाऱ्यांवर जोरदार टीका केली. ' २०२४ मध्ये भाजपचा माज उतरणार, अशा शब्दात संजय राऊत यांनी सत्ताधाऱ्यावर टीका केली.

या मेळाव्यात संजय राऊत म्हणाले, 'हा विराट मेळावा सांगतोय की, अब की बार ठाकरे सरकार. एकच शिवतीर्थावर मेळावा. बाकी दुसऱ्या मेळाव्याकडे महाराष्ट्र ढुंकूनही पाहत नाही. मी १०० दिवस तुरुंगात राहिलो, पण बाळासाहेबांचा शिवसैनिक मोडला नाही आणि वाकला नाही. तुमच्या तुरुंगाला आम्ही घाबरत नाही. मोदी आणि भ्रष्टाचार. भाजप म्हणजे भ्रष्टाचार... ५ ही राज्यात भाजपचा दारुण पराभव होतोय'.

'छत्तीसगडमध्ये अमित शहा बोलताहेत की, भ्रष्टाचारांना उलट लटकवायचं म्हणतात मग महाराष्ट्रात काय करताय?. 40 आमदारांना उलट लटकावा, आम्ही तुमचा जाहीर सत्कार करू, असे राऊत म्हणाले.

'दाऊद आणि भाजप भाई-भाई बनले आहेत. एकनाथ शिंदे हेच एक मोठा घोटाळा आहे. उदय सामंत यांचा 100 कोटींचा डांबर घोटाळा समोर आला आहे. भाजप सरकार वाघ नखांचा घोटाळा करत आहे. ४० भ्रष्टाचारी आमदारांना उलटं लटकवल्याशिवाय राहणार नाही, असा इशारा राऊत यांनी दिला.