Pune baramati car accident news : बारामती : इंदापूर तालुक्यातील लांमजेवाडी जवळ भल्या पहाटे भीषण अपघात झालाय. पहाटेच्या वेळी बारामतीकडून भिगवणकडे निघालेल्या बारामतीतील चार शिकाऊ वैमानिक पायलटच्या चार चाकी वाहनाला भीषण अपघात झाला. यात दोन शिकाऊ वैमानिक पायलटचा जागीच मृत्यू झाला आहे. तर दोघेजण गंभीर जखमी झालेत. त्यातील एकाची प्रकृती चिंताजनक असल्याची माहिती मिळाली.

दशु शर्मा वय वर्ष 21, आणि आदित्य कणसे वय वर्ष 29 अशी मृतांची नांवे आहेत. तर कृष्णा मंगलसिंग वय वर्ष 21 व महिला पायलट चेष्टा बिश्नोई वय वर्ष 21 वर्षे हे दोघे गंभीर जखमी झाले आहेत. जखमींवर जवळच्या रूग्णालयात उपचार सुरू आहेत. पोलिसांकडून याप्रकरणाचा तपास करण्यात येत आहे.

बारामती भिगवण मार्गावर लामजेवाडी गावाजवळ सोमवारी पहाटे तीन वाजण्याच्या सुमारास हा भीषण अपघात जाला. टाटा हॅरिअर वाहनावरील चालकाचे नियंत्रण सुटल्याने अपघात झाल्याची माहिती मिळाली आहे. वाहनातील हे चौघेजण बारामतीकडून भिगवणकडे निघाले होते. यामध्ये एक महाराष्ट्रातील पायलट असून बिहार राज्यातील एक तर राजस्थानच्या एका युवतीचाही समावेश आहे. यातील गंभीर दोन जणांना तातडीने रुग्णालयात दाखल करण्यात आले आहे.