बदलापूरजवळील ऐतिहासिक चंदेरी गडावर ट्रेकिंगसाठी गेलेल्या एका गिर्यारोहकाचा पाय घसरून दरीत कोसळून दुर्दैवी मृत्यू झाल्याची घटना समोर आली आहे. रोहित गुप्ता असे मृत गिर्यारोहकाचे नाव असून तो टिटवाळा येथील रहिवासी होता. या घटनेमुळे परिसरात हळहळ व्यक्त केली जात आहे.

रोहित गुप्ता आणि त्याचा मित्र अजय पंडम हे दोघे १ तारखेला चंदेरी गडावर ट्रेकिंगसाठी गेले होते. ट्रेक पूर्ण करून परतीच्या प्रवासात असताना अचानक रोहितचा पाय घसरला आणि तो सुमारे ५०० ते ६०० फूट खोल दरीत कोसळला. अपघात इतका भीषण होता की, घटनास्थळीच रोहितचा मृत्यू झाल्याचा अंदाज व्यक्त करण्यात येत आहे.

घटनेची माहिती मिळताच बदलापूर आणि लोणावळा येथील रेस्क्यू टीम, स्थानिक पोलीस आणि आपत्ती व्यवस्थापन पथकाने शोधमोहीम सुरू केली. मात्र, दाट जंगल, खोल दरी आणि अवघड परिस्थितीमुळे शोधकार्यात अडथळे येत होते. अखेर २४ तासांच्या अथक शोधानंतर रोहितचा मृतदेह दरीत आढळून आला. त्यानंतर रेस्क्यू टीमच्या मदतीने मोठ्या शिताफीने मृतदेह गडाखालपर्यंत आणण्यात आला. ही मोहीम अत्यंत जोखमीची आणि आव्हानात्मक होती.

घटनेची माहिती मिळताच बदलापूर आणि लोणावळा येथील रेस्क्यू टीम, स्थानिक पोलीस आणि आपत्ती व्यवस्थापन पथकाने शोधमोहीम सुरू केली. मात्र, दाट जंगल, खोल दरी आणि अवघड परिस्थितीमुळे शोधकार्यात अडथळे येत होते. अखेर २४ तासांच्या अथक शोधानंतर रोहितचा मृतदेह दरीत आढळून आला. त्यानंतर रेस्क्यू टीमच्या मदतीने मोठ्या शिताफीने मृतदेह गडाखालपर्यंत आणण्यात आला. ही मोहीम अत्यंत जोखमीची आणि आव्हानात्मक होती.