Ambernath Latest News : आंबेरनाथयेतून एक अजब चोरीची घटना उघडकीस आली आहे. अंबरनाथ शहरात चोरट्यांनी चक्क सार्वजनिक शौचालयांचे दरवाजे चोरायला सुरुवात केली आहे. या चोऱ्यांमुळे अंबरनाथ पालिकाही हतबल झाली असून परिणामी नागरिकांवर मात्र चक्क छत्री घेऊन शौचालयात जाण्याची वेळ आली आहे.

अंबरनाथ (Ambernath) पूर्वेतील अनेक सार्वजनिक शौचालयांमध्ये दरवाजे नसल्याची बाब समोर आली आहे. याबाबत स्थानिकांना विचारलं असता पालिकेने दोन वेळा दरवाजे बसवले, मात्र हे दरवाजे वारंवार कोणीतरी चोरून नेत असल्याचा आरोप स्थानिकांनी केला आहे.

मात्र, आता दरवाजे नसल्यामुळे नागरिकांची मोठी कुचंबणा होत असून नागरिकांना चक्क छत्र्या घेऊन शौचालयात जाण्याची वेळ आली आहे. अंबरनाथ पूर्वेतील शिवाजीनगर परिसरातील मधली आळी आणि कैलास नगर परिसरातील शौचालयांचे दरवाजे अशाच पद्धतीने चोरीला (Theft) गेले आहेत.

महिला आणि पुरुष अशा दोन्ही शौचालयांमधले दरवाजे अज्ञात चोरट्यांनी चोरून नेले आहेत. त्यामुळे पालिकेने लवकरात लवकर इथे दरवाजे बसवावेत अशी मागणी आता स्थानिकांकडून केली जातेय.