मुंबई - ग्रांडर अ‍ॅपच्या (App) माध्यमातून तरुणांशी ओळख वाढवत त्यांना भेटायला बोलवून त्यांच्यावर समलैगिक (Homosexuality) संबधासाठी दबाव टाकल्याची घटना मालवणी परिसरात समोर आली आहे. संबधासाठी नकार दिल्याच्या रागातून आरोपींनी तक्रारदाराचा अश्लील व्हिडिओ काढून त्याच्याकडे खंडणी मागितल्याचे समोर आले आहे. या प्रकरणी मालवणी पोलिसांनी (Police) तिघांना अटक केली आहे. (Mumbai Crime Latest News)

हे देखील पहा -

23 वर्षीय तक्रारदार हा बोरिवली परिसरात रहात असून तो शिकत आहे. काही दिवसांपूर्वी ग्रांडर या अ‍ॅपपवर त्याची ओळख इरफान खान या आरोपींशी झाली. १७ जानेवारी रोजी आरोपींनी तक्रारदारास मालवणीतील मोहम्मद रफी मैदानाजवळ बोलवले. तिथून एका आरोपीने त्याला स्वत:च्या घरी नेले. त्या ठिकाणी इरफानने इतर आरोपी अहमद शेख व इम्रान शेख यांना बोलावले. त्यानंतर तिघांनी आरोपीवर लैगिक संबधासाठी दबाव टाकला.

मात्र तक्रारदारांनी त्यास नकार दिला. या रागातून तिघांन त्याच्याजवळील मोबाईल, 12,500 रुपये रोख आणि डेबिट कार्ड काढून घेत त्याची लूट केली. तसेच त्याचा अश्लील व्हिडिओ काढला. हा व्हिडिओ व्हायरल करण्याची धमकी देऊन असे न करण्यासाठी 50 हजारांची खंडणी मागितल्याची तक्रार मालवणी पोलिसात तक्रारदाराने दाखल केल्यानंतर पोलिसांनी तिघांना अटक केली आहे. या प्रकरणातील सोहेल नावाचा आरोपी अद्याप फरार असून पोलीस त्याचा शोध घेत आहेत.

Edited By - Shivani Tichkule