पुणे : कोरेगाव-भीमा लढाईचे वास्तव हे पुस्तक रोहन माळवदकर (Rohan Malwadkar) यांनी लिहिलेलं नसून ते सौरभ विरकर या RSS शी संबंधित असणाऱ्या व्यक्तीने लिहलं असल्याचा दावा  रिपब्लिकन विद्यार्थी सेनेने (Republican Vidyarthi Sena) केला आहे. '१ जानेवारी १८१८ कोरेगाव-भीमा लढाईचे वास्तव' हे पुस्तक प्रकाशित झाल्याने दलित समाजकडून त्याचा निषेध केला जातोय अशातच आज रिपब्लिकन विद्यार्थी सेनेचे प्रदेशाध्यक्ष विवेक बनसोडे यांनी हे पुस्तक माळवदकर यांनी  लिहिलं नाही असा दावा केला आहे.

शिवाय हे पुस्तक उजव्या विचारसणीच्या व्यक्तीने लिहलं आहे. याचे पुरावे म्हणून https://www.inmarathi.com/110722/bhima-koregaon-war-and-ambedkar/amp/  या पेजवर ४ जानेवारी २०२१ ला जो लेख प्रसिध्द केला त्यात लेखकाचे नाव सौरभ विरकर (Saurabh Virkar) या नावांनी प्रसिध्द केला गेला आहे असही त्यांनी सांगितलं आहे.

पुस्तकातील लिखाण सौरभ विरकर यांचे लिखाण संदर्भ तंतोतंत जुळत असून अँड रोहन माळवदर पुस्तक प्रकाशित वेळी सौरभ विरकर उपस्थित असल्याचे पुरावे बनसोडे यांनी प्रसिध्द केले असल्याचही विद्यार्थी सेनेने म्हटंल आहे.

दरम्यान माळवदकराचे पुस्तक सौरभ विरकर हाच वितरीत करीत असून त्याच्या सोशल मिडीया (Social Media) पेजवर आदरणीय प्रबोधनकारक ठाकरे यांच्या पुस्तकावर आणि आदरणीय शरद पवार (Sharad Pawar) यांच्या विचारवर आक्षेपार्ह लिखाणही दिसून येतं आहे. तसंच दोन समाजात तेढ कसा निर्माण होईल या उद्देशाने हे पुस्तक लिहल्याचा आरोप विवेक बनसोडे यांनी केला आहे.

Edited By - Jagdish Patil