गोपाल मोटघरे

पुणे : पुण्यातील वानवडी पोलीस स्टेशनच्या हद्दीमध्ये एक अत्यंत धक्कादायक घटना घडली आहे. इस्त्री केलेल्या साडीचे पैसे जास्त घेतले म्हणून चार आरोपींनी मिळून एका लॉन्ड्री चालकाच्या दुकानावर दगडफेक करून तसेच त्याला लोखंडी सळई आणि लाथा-बुक्क्यांनी बेदम मारहाण करून गंभीर जखमी केले आहे. (Pune Crime News)

पवन कन्‍हैया चौधरी अस मारहाण झालेल्या लॉन्ड्री चालकाचे नाव आहे. पवन हा हांडेवाडी रोड वर द लॉन्ड्री बॉईज सर्विसेस नावाचे कपडे इस्त्री करण्याच दुकान चालवतो. पवनच्या दुकानांमध्ये अमित किसन पाचरणे ह्या आरोपीने एक साडी इस्त्री करण्यासाठी टाकली होती.

हे देखील पहा-

मात्र, पवन कन्हैया चौधरी याने आपल्याकडून साडी इस्त्री करण्याचे जास्त पैसे घेतले याचा राग मनात धरून आरोपी अमित किसन पाचरणे यांनी आपले सहकारी अनिकेत किसन पाचरणे सनी प्रकाश पानसरे आणि अमोल अशोक शंकर यांच्या मदतीने द लॉन्ड्री बॉईज दुकानावर दगडफेक करून फिर्यादी पवन कन्हैया चौधरी याला लोखंडी सळई आणि लाथाबुक्क्यांनी जबर मारहाण केली आहे. या प्रकरणात पवन कन्हैया चौधरी यांच्या फिर्यादीवरून वानवडी पोलिसांनी अमित किसं पाचरणे आणि त्याच्या इतर तीन सरकारविरोधात गुन्हा दाखल केला आहे