Pune Bus Accident News : पुणे सोलापूर महामार्गावर चौफुला तालुका दौंड जवळ आराम बस रस्त्यात उभ्या असलेल्या ट्रकला धडकून भीषण अपघात झाला आहे. या भीषण अपघातात चार जणांचा मृत्यू झाला आहे तर 15 जखमी झाले आहेत. जखमी मधील चार ते पाच जणांची प्रकृती चिंताजनक आहे. जखमींना रुग्णालयात दाखल करण्यात असून त्यांच्यावर उपचार सुरु आहे.

पहाटे पाच वाजण्याच्या सुमारास हा अपघात झाल्याची माहिती समोर आली आहे. अपघात झाला त्यावेळी बसमध्ये 35 प्रवासी प्रवास करीत होते. बस (Bus) सोलापूरकडून पुण्याच्या (Pune) दिशेने जात होती त्यावेळी हा अपघात झाला. या अपघातात बसचे मोठ्या प्रमाणात नुकसान झाले आहे.

पोलिसांनी दिलेल्या माहितीनुसार, आज सकाळी पाचच्या सुमारास सोलापूरकडून एक ट्रॅव्हल्सन पुण्याच्या दिशेने निघाली होती. दरम्यान या मार्गावर एका ट्रकचा टायर फुटला असल्याने तो रस्त्याच्या कडेला उभा केला होता. मागून भरधाव वेगाने आलेल्या ट्रॅव्हल्सने ट्रकला जोरदार धडक दिली. यावेळी बसमध्ये 35 प्रवासी प्रवास करीत होते. या घटनेत 15 जण जखमी झाले असून त्यांना रूग्णालयात दाखल करण्यात आले आहे.