Talegaon Dabhade Muncipal Corporation : मावळातील तळेगाव दाभाडे नगरपरिषद (talegaon dabhade muncipal corporation) कर संकलन विभागाच्या वतीने धडक कारवाई करत कर थकलेल्या एकूण सहा मोबाईल टावर्सला टाळे (talegaon dabhade municipal council seals 6 mobile towers) ठोकले. या कारवाईने माेठ्या थकबाकीदारांचे धाबे दणाणले आहेत. (Maharashtra News)

नगरपरिषद हद्दीतील मोठे थकबाकीदार असलेल्या कंपन्यांचे दहा मोबाईल टाॅवर पैकी सहा टॉवर्सला वसुली पथकाकडून टाळे ठोकण्यात आले आहे. यामध्ये जिजामाता चौक, राव कॉलनी, मावळ लँड, तपोदान कॉलनी या ठिकाणच्या मोबाईल टॉवरचा समावेश आहे अशी माहिती विजय शहाणे (कर निरीक्षक) यांनी दिली.

तळेगाव नगरपरिषद हद्दीतील एकूण दहा माेबाईल टाॅवर्सची एकूण 44 लाख 37 हजार 332 रुपये इतकी थकबाकी आहे. ही थकबाकी न भरल्याने कारवाई करण्यात येत असल्याचे कर निरीक्षक विजय शहाणे यांनी नमूद केले.

आगामी काळात अन्य चार टॉवर्स देखील सील करण्यात येणार आहे. या टाॅवर्स मालकांना वारंवार इशारा देऊनही दिलेल्या कालावधीमध्ये थकीत कर न भरल्याने अखेर टाळे बंदीची कारवाई करण्यात आली आहे. तळेगाव नगरपरिषदेचे मुख्याधिकारी विजयकुमार सरनाईक (vijaykumar sarnaik) यांच्या आदेशानुसार ही कारवाई करण्यात येत आहे असेही शहाणे यांनी नमूद केले.

Edited By : Siddharth Latkar