गुइलेन बॅरे सिंड्रोम आजाराने पुणेकरांची धकधक वाढवलीय. जीबी सिंड्रोमच्या रुग्णांच्या संख्येत अडीच पट वाढ झालीय. यात 38 पुरुष आणि 21 महिलांना या सिन्डोमची लागण झालीय. गुरुवार पर्यंत या आजाराची रुग्ण संख्या 59 होती आता यात वाढ झालीय. यातील 22 जण व्हेंटिलेटवर आहेत. या आजारामुळे आजारामुळे चार रुग्णांची प्रकृती गंभीर झालीय. यात दोन लहान मुले आणि दोन प्रौढ व्यक्ती आहे.

पुण्यातील ससून रुग्णालयात या रुग्णांना व्हेंटिलेटवर ठेवून उपचार सुरू आहेत. पुणे शहरात या आजाराचे एकूण 67 रुग्ण असून 14 रुग्णांवर पुण्यातील ससून रुग्णालयात उपचार सुरू आहेत. ससून रुग्णालयात एकूण 14 रुग्णांवर सध्या उपचार सुरू आहेत. यात पुणे शहरातील सिंहगड रोड, धनकवडी, किरकेट वाडी भागतील आहे तर दोन रुग्ण हे नगर आणि सोलापूर येथील आहेत. पुणे महापालिका परिसरात 11, पुणे ग्रामीणमध्ये 33, तर पिंपरी चिंचवडमध्ये 12 आणि 3 रुग्ण इतर जिल्ह्यामधील आहेत.

गुइलेन बॅरी सिंड्रोमच्या रुग्णांमध्ये झपाट्याने वाढ होत असल्याने आरोग्य यंत्रणा सतर्क झाली आहे. दुषित पाण्यामुळे हा आजार होत असल्याचं सामोर आल्यानं पुणे महापालिकेने टास्क फोर्सची स्थापना केलीय. पाण्याचे नमुने तपासण्यात येत आहे. महापालिका आयुक्त राजेंद्र भोसले यांनी नांदेड गावात पाण्याची पाहणी केली. गावात पाणी पुरवठा केल्या जाणाऱ्या विहिरीची त्यांनी पाहणी केली.

महापालिका या विहिरीबाबत आणि या आजाराबाबत काय उपाययोजना केली पाहिजे याच चर्चा त्यांनी संबंधित अधिकाऱ्यांशी केलीय. यावेळी महापालिका आयुक्त यांनी नविन समाविष्ट गावातील विहिरी, पाण्याच्या टाक्या व GBS आजाराने बाधित भागाचीही त्यांनी पाहणी केलीय.

आजार कसा टाळणार

पाणी उकळून प्या

शौचास गेल्यानंतर आणि जेवणाआधी साबणाने हात स्वच्छ धुतले पाहिजेत

भाज्या आणि फळं चांगली धुवून घ्या त्यानंतर खाव्यात.

मांसाहारी पदार्थ योग्य प्रकारे शिजवले पाहिजेत.

कच्चं किंवा कमी शिजलेलं अन्न, विशेषतः अंडी आणि मासे खाणं टाळा