Supriya Sule News: संतश्रेष्ठ ज्ञानेश्वर माऊलींच्या पालखी सोहळ्यात काल वारकरी आणि पोलिसांमध्ये वाद झाला. या सोहळ्यादरम्यान, वारकरी आणि पोलिसांची बाचाबाची झाल्याची पाहायला मिळाली. या घटनेवरून राष्ट्रवादीच्या कार्यकारी अध्यक्षा सुप्रिया सुळे यांनी शिंदे सरकारवर टीका केली आहे. 'आळंदीतील घटनेमुळे वारीच्या साडेतीनशे वर्षांपूर्वीच्या संस्कृतीला गालबोट लागलं, असं म्हणत टीका केली. (Latest Marathi News)

सुप्रिया सुळे यांनी आळंदीतील घटनेवरून प्रसारमाध्यमांशी संवाद साधला. सुप्रिया सुळे म्हणाल्या, 'आळंदीमध्ये घडलेली घटनेचा मी जाहीर निषेध करते. याप्रकरणाचे जे व्हिडिओ बाहेर आले ते धक्कादायक होते. सातत्याने या देशातील पोलीस यंत्रणा एखादा अत्याचार होतो किंवा एखाद्या मुलीचा खून होतो. तिथे कधीच नसतात. जिथे आपल्या ऑलिम्पिकच्या मुली मेडल घेऊन येतात आणि आंदोलन करतात, त्यांच्यावर लाठीचार्ज करायला पोलीस सगळ्या पुढे जातात'.

'गेल्या साडेतीन वर्ष विठ्ठलाचे नमन करत आल्यावर आळंदीवरून पंढरपूरला विठ्ठलाचे दर्शन घेण्यासाठी शांततेच्या मार्गाने जे आपले वारकरी जात असतात. वारकऱ्यांची साडेतीनशे वर्षांपूर्वीची संस्कृती आहे, याला गालबोट लागला आहे, अशा सुप्रिया सुळे पुढे म्हणाल्या.

'दिल्लीतल्या मुलींवर पोलिसांनी हल्ले केले,वारकरी संप्रदायाच्या विरोधात पोलीस जे वागले आहेत हे अतिशय निंदनीय आहे. नक्की पोलीस कुणाच्या बाजूने आहेत, जो गुन्हा करतो पोलीस त्यांच्या बाजूने असतात. ज्या शांततेच्या मार्गाने काही करत असतात, त्यांच्या विरोधात कारवाई केली जाते, अशी टीका देखील सुप्रिया सुळे यांनी केली.

भाजपवर टीका करताना सुप्रिया सुळे म्हणाल्या, 'भारतीय जनता पार्टीला आंब्याच्या झाडावर दगड मारायला आवडतात. त्याच्यामुळे अजित पवार,सुप्रिया सुळे आणि राष्ट्रवादी काँग्रेस पक्षाला टार्गेट करण्यापेक्षा भारतीय जनता पक्षापुढे काही अजेंडा नाही. भारतीय जनता पार्टी रोज आमच्यावर टीका करीत आहेत, याच्यावरून समजत आहे कोणतं नाणं जास्त चालतं आहे'.