Shiv Sena Party and Symbol Hearing

केंद्रीय निवडणूक आयोगाने शिवसेना पक्ष आणि धनुष्यबाण चिन्ह शिंदे गटाला दिलं. याविरोधात शिवसेना ठाकरे गटाने सुप्रीम कोर्टात धाव घेत याचिका दाखल केली. या याचिकेवरील सुनावणी १९ एप्रिल रोजी होणार होती. मात्र, आता ही सुनावणी आता पुन्हा एकदा लांबणीवर पडली आहे. त्यामुळे ठाकरे गटाचं टेन्शन वाढलं आहे.  (Breaking Marathi News)

दरम्यान, ठाकरे गटाच्या (Uddhav Thackeray) याचिकेवरील सुनावणी आता पुढच्या महिन्यात ६ मे रोजी होणार असल्याची माहिती आहे. मागच्या अनेक महिन्यांपासून या प्रकरणी सुनावणी झालेली नाही. त्यामुळं ६ मेला तरी ठाकरे गटाच्या याचिकेवर सुनावणी होणार का? हे पाहणं महत्वाचं ठरणार आहे.

एकनाथ शिंदे (Eknath Shinde) यांच्यासह ४० आमदारांसह १३ खासदारांनी शिवसेनेतून बंड केल्यानंतर खरी शिवसेना आपलीच असा दावा केला होता. त्यानंतर हे प्रकरण केंद्रीय निवडणूक आयोगात गेलं. निवडणूक आयोगाने यावर सुनावणी घेताना खरी शिवसेना एकनाथ शिंदेंचीच, असा निकाल दिला.

या निर्णयामुळे ठाकरे गटाला मोठा धक्का बसला होता. दरम्यान, निवडणूक आयोगाने निकाल देताना पक्षपातीपणा केला, असा दावा करत ठाकरे गटाने सुप्रीम कोर्टात (Supreme Court) याचिका दाखल केली. मात्र, अनेक महिने उलटून गेलेत तरी देखील ठाकरे गटाच्या याचिकेवर अद्याप सुनावणी झाली नाही.

दरम्यान, ठाकरे गटाने दाखल केलेल्या याचिकेवर १९ एप्रिल रोजी या प्रकरणाची सुनावणी होणार होती. मात्र, ही सुनावणी पुन्हा एकदा लांबणीवर पडली आहे. त्यामुळे ठाकरे गटाला सुनावणीसाठी आणखी काही दिवस वाट पाहावी लागणार आहे. येत्या ६ मे रोजी या प्रकरणाची सुनावणी होईल, असं सांगण्यात आलं आहे.