भूषण शिंदे -

मुंबई : मनसे अध्यक्ष राज ठाकरे (Raj Thackeray) यांनी काल घोषणा केली की मशिदीसमोर भोंगे लावा माझी राज ठाकरे यांना विनंती आहे तो भोंगा लावण्यासाठी अमित ठाकरे यांना पाठवा. एकही बहुजन जाता कामा नये. घोषणा तूम्ही करणार कार्यकर्ता त्यात भरडला जाणार. मला एकच सांगा तूम्ही अमित ठाकरे यांना पाठवणार का? असा सवाल उपस्थित करत सुजात आंबेडकर (Sujat Ambedkar) यांनी राज ठाकरे यांच्यावर टीका केली आहे. ते एटीआय येथील वंचित बहुजन आघाडी (Vanchit Bahujan Aghadi) कार्यालयाजवळ आयोजित केलेल्या राजकीय सभेत बोलत होते.

जर राज ठाकरे यांच्या वक्तव्यामुळे दंगल झाली तर पोलिसांना माहिती आहे की पकडायचं कुणाला. राज ठाकरे यांनी म्हटल मुस्लिमानी भोंगे लावले तर मी पोरांना भोंगे लावून हनुमान चालीसा म्हणायला लावेल. माझा राज ठाकरे यांच्या वक्तव्याचा 100 टक्के पाठींबा आहे. फक्त आमचं एकच म्हणणं आहे अमित ठाकरे (Amit Thackeray) यांना तिकडे हनुमान चालीसा म्हणायला पाठवा. मला एकही बहुजन पोरगा तिथं नको आहे. जितकी पोरं हनुमान चालीसा म्हणायला जाणार आहेत त्यांनी शर्ट काढून जानवं दाखवा एकही बहुजन पोरगा तिथं नको आहे.

हे देखील पहा -

दरम्यान यावेळी ते कार्यकर्त्यांसमोर म्हणाले, तुमच्या समोर आल्यामुळे मला प्रचंड ताकद मिळाली. मी बऱ्याच दिवसांपासून आज बोलतं आहे. आपली ताकद काल होती तशीच आजही आहे. आपली ताकद कमी होणारं नाही. मागच्या निवडणुकांपासून परिस्थिती बदलली आहे. आपलं स्वप्न पूर्ण करायचं असेल वंचितांची सत्ता आणायची असेल तर घरोघरी जना गरजेचं आहे. लाटेवर जायचं नाही कारण नरेंद्र मोदी (Narendra Modi) सुद्धा लाटेवर पंतप्रधान झाले आहेत. मागच्या 2 निवडणूका लढताना लक्षात आलं आहे की आपण स्वबळावर निवडणुक लढू शकत नाही. आता आपण आपला समाज सोडून इतर समाजाच्या लोकांना आपल्या पक्षाशी जोडायचं आहे असंही ते यावेळी म्हणाले.

Edited By - Jagdish Patil