Mumbai News :  रेल्वेच्या ट्रान्स हार्बर मार्गावर येत्या शनिवारी रविवारी म्हणजे 12 आणि 13 ऑगस्ट रोजी मध्यरात्री विशेष ब्लॉक असणार आहे. 4 फूट ओव्हर ब्रिज गर्डर्स लाँच करण्यासाठी ठाणे-कोपरखैरणे ट्रान्स-हार्बर सेक्शनवर ठाणे स्टेशनच्या सीएसएमटी टोकावर पॉवर ब्लॉक असणार आहे.

क्रेन वापरून ठाणे स्टेशनच्या सीएसएमटी टोकावर 5 मीटर रुंद FOB गर्डर्स लाँच करण्यासाठी रात्रीची वाहतूक आणि पॉवर ब्लॉक असणार आहे.

ब्लॉकची तारीख, वेळ आणि कालावधी:

शनिवारी रात्री 11.50 ते रविवार पहाटे 04.50 पर्यंत हा मेगाब्लॉक असेल. ब्लॉक कालावधीत अप आणि डाऊन ट्रान्स-हार्बर उपनगरीय सेवा रद्द राहतील. ब्लॉकपूर्वीची शेवटची लोकल ठाणे - पनवेल लोकल ठाण्याहून रात्री 11.32 वाजता सुटेल. (Latest Marathi News)

ठाण्याला जाण्यासाठी ब्लॉक करण्यापूर्वी शेवटची लोकल - ठाणे लोकल पनवेलहून रात्री 10.45 वाजता सुटेल. पायाभूत सुविधांच्या ब्लॉकमुळे होणाऱ्या गैरसोयीसाठी प्रवाशांनी रेल्वे प्रशासनाला सहकार्य करावे, असे आवाहन करण्यात आले आहे.