Mumbai News : मध्य रेल्वेवर येत्या २६-२७ ऑगस्ट रोजी पॉवर ब्लॉक घेण्यात येणार आहे. उल्हासनगर स्थानकावरील प्लॅटफॉर्म क्रमांक १ वरून प्लॅटफॉर्म २ वर पादचारी पुलाचे कॉलम स्थलांतरित करण्यासाठी आणि हायड्रा मशीनद्वारे उभारणीसाठी कल्याण-अंबरनाथ विभागात डाउन आणि अप दक्षिण-पूर्व मार्गांवर रात्री विशेष ट्रॅफिक आणि पॉवर ब्लॉक घेण्यात येणार आहे.

विशेष ट्रॅफिक आणि पॉवर ब्लॉकमध्ये उल्हासनगर स्थानकातील प्लॅटफॉर्म क्रमांक १ वरून प्लॅटफॉर्म २ वर पादचारी पुलाचे कॉलम स्थलांतरित करण्यासाठी आणि हायड्रा मशीनद्वारे उभारणीचे काम करण्यात येणार आहे.

ब्लॉकची वेळ

ब्लॉकदरम्यान कल्याण ते अंबरनाथ डाऊन दक्षिण-पूर्व लाईन आणि अंबरनाथ ते कल्याण अप दक्षिण-पूर्व मार्गावर वाहतूक बंद असेल. २६ आणि २७ ऑगस्ट रोजी म्हणजे शनिवार-रविवारी मध्यरात्री ०१.१० वाजल्यापासून ते ०२.१० वाजेपर्यंत १ तास हा ब्लॉक असेल. (Trending News)

लोकलवर काय परिणाम होणार?

छत्रपती शिवाजी महाराज टर्मिनस येथून रात्री ११.५१ वाजता सुटणारी अंबरनाथसाठीची लोकल आणि अंबरनाथ येथून १०.०१ आणि १०.१५ वाजता छत्रपती शिवाजी महाराज टर्मिनससाठी सुटणाऱ्या लोकल रद्द राहतील. छत्रपती शिवाजी महाराज टर्मिनस येथून १२.०४ वाजता सुटणारी अंबरनाथसाठीची लोकल कुर्ला येथे शॉर्ट टर्मिनेट केली जाईल.  (Latest Marathi News)

छत्रपती शिवाजी महाराज टर्मिनस येथून १२.२५ वाजता सुटणारी कर्जतसाठीची लोकल कल्याण स्थानकावर १.५१ ते २.१० या वेळेत नियमित केली जाईल. ब्लॉक कालावधीत कल्याण ते अंबरनाथ दरम्यान मालवाहतूक गाड्यांची वाहतूक (ट्रॅफिक) बंद राहील.