कलाविश्वातून एक हादरवणारी बातमी समोर येत आहे. बॉलिवूड गायक यासेर देसाई यांचा एक व्हिडिओ व्हायरल होत आहे. या व्हिडिओमध्ये देसाई हे कठड्यावर चढताना दिसत आहे. त्यामुळे यासेर यांनी आत्महत्येचा प्रयत्न केला की, आगामी गाण्याच्या प्रसिद्धीसाठी स्टंट केला, हे अद्याप समोर आलेले नाही. मात्र, व्हिडिओ व्हायरल होतात नेटकऱ्यांनी संताप व्यक्त केला.

व्हायरल व्हिडिओमध्ये नेमकं काय?

बॉलीवूड गायक यासेर देसाई यांचा एक व्हिडिओ सध्या चर्चेचा विषय बनली आहे. सोमवारी सकाळी यासेर वरळीच्या सी लिंकवर गेले. नंतर ते सी लिंकच्या कठड्यावर चढताना दिसत आहे. देसाई याने आत्महत्येचा प्रयत्न केला की, आगामी गाण्याच्या प्रसिद्धीसाठी स्टंट करत आहेत, हे अद्याप स्पष्ट झालेलं नाही.

या प्रकारामुळे केवळ लोकांची वाहतुकीची सुरक्षितता धोक्यात आली नाही, यासेर यांच्या जीवाला देखील धोका निर्माण झाला असता. यासेर देसाईसारख्या प्रसिद्ध व्यक्तींकडून अशा प्रकारच्या वागणुकीने समाजावर चुकीचा प्रभाव पडू शकतो, अशी जोरदार टीका सोशल मीडियावर होत आहे. नेटकऱ्यांनी यासेर याने केलेल्या कृतीचा निषेध केला आहे.

वरळी सी लिंकवर उभे राहण्याची परवानही नेमकी कुणी दिली? असाही प्रश्न नेटकऱ्यांनी उपस्थित केला आहे. दरम्यान, मुंबई पोलिसांनी या प्रकाराची गंभीर दखल घ्यावी आणि त्वरीत चौकशी सुरू करावी, अशी मागणी देखील नेटकऱ्यांनी केली. सध्या नेटकऱ्यांकडून यासेर देसाई याच्यावर टीका केली जात आहे.

यासिर देसाई नेमका कोण?

यासिर देसाई हा बॉलिवूड सिंगर असून, त्याचा जन्म मुंबईत झाला. वयाच्या १० व्या वर्षापासून त्यानं गायनाला सुरूवात केली. 'दिल को करार आया', 'हुए बेचैन ' 'आँखों मे आंसू लेके', अशा अनेक हिट गाणी त्यांनी गायली आहेत. याशिवाय त्यांनी अनेक वेब सीरिज आणि टीव्ही मालिकांना त्यांनी आपला आवाज दिला आहे.