गोपाळ मोटघरे, पिंपरी-चिंचवड

पतीच्या विवाहबाह्य संबंधाला वैतागून एका महिलेने आपल्या नवऱ्याच्या गर्लफ्रेंडचं अपरहण करून तिला धूधू धुतलं. ही घटना पिंपरी चिंचवडच्या हिंजवडीमध्ये घडली. हिंजवडी पोलिस स्टेशन हद्दीतील विप्रो सर्कल या ठिकाणी महिलेने आपल्या नवऱ्याच्या गर्लफ्रेंडचे कारमधून अपरहण केलं. त्यानंतर तिला अज्ञात स्थळी नेऊन चोपलं. नवऱ्याच्या गर्लफ्रेंडचं अपहरण करण्यासाठी या महिलेला तिच्या आई आणि भावाने मदत केली होती. या प्रकरणी हिंजवडी पोलिस ठाण्यात तिघांविरोधात गुन्हादाखल करण्यात आला आहे.

मिळालेल्या माहितीनुसार, नवऱ्याच्या विवाहबाह्य संबंधाला वैतागून एका महिलेने नवऱ्याच्या गर्लफ्रेंडचं कारमधून अपरहण केलं. त्यानंतर तिला बेदम मारहाण केली. हिंजवडी पोलीस स्टेशन हद्दीतील विप्रो सर्कल या ठिकाणी ही धक्कादायक घटना घडली. विवाहित महिलेने आपला भाऊ आणि आईच्या मदतीने नवऱ्याच्या गर्लफ्रेंडचं अपरहण केलं आणि तिला चोप देत जन्माची अद्दल घडवली.

रस्त्यावरून जाणाऱ्या नवऱ्याच्या गर्लफ्रेंडला या महिलेने कारमध्ये कोंबलं. त्यानंतर या महिलेने नवऱ्याच्या गर्लफ्रेंडला बेदम मारहाण केली. या मारहाणीनंतर तिने तिला वाकड पोलिस ठाण्याच्या हद्दीत सोडून दिलं. या घटनेनंतर पीडित महिलेने पोलिस ठाण्यात धाव घेत तक्रार दाखल केली. घटनेचे गांभीर्य लक्षात घेऊन या प्रकरणी हिंजवडी पोलिसांनी आरोपी महिला आणि अपहरण करण्यासाठी मदत करणाऱ्या तिचा भाऊ आणि आईविरोधात गुन्हा दाखल केला. या घटनेमुळे खळबळ उडाली.