भूषण शिंदे -

मुंबई : राज्यसभेच्या सहाव्या जागेची उद्या शिट्टी वाजेल, आम्ही निरोपाची वाट बघत नाही. राज्यसभेच्या २ जागा शिवसेना लढवणार आणी जिंकणारच असल्याचं वक्तव्य शिवसेना खासदार संजय राऊत (Sanjay Raut) यांनी केलं आहे. राज्यसभेच्या (Rajya Sabha) सहाव्या जागेसाठी अपक्ष उमेवार म्हणून उभे राहण्याचा निर्धार केलेल्या छत्रपती संभाजीराजे (Chhatrapati Sambhaji Raje) यांनी शिवसेनेत प्रवेश केल्यास त्यांना आपण उमेदवारी जाहीर करू अशी भूमिका घेतली आहे.

अशातच आता आपण कोणत्याही अपक्ष उमेदवाराला शिवसेना (Shivsena) सपोर्ट करणार नाही. दोन्ही उमेदवार शिवसेनेचाच असणार हा उद्धव ठाकरे यांचा निर्णय असून राज्यसभा दोन्ही जागांसाठी पुरेसं नाही तर जास्त संख्याबळ असल्याचं देखील राऊत म्हणाले आहेत.

हे देखील पाहा -

दरम्यान, संभाजीनगरचा जल आक्रोश मोर्चा हा खरंच मोर्चा होता का इव्हेंट? फुगड्या,उंट कश्यासाठी? या मोर्च्यात गांभीर्य हवं मुख्यमंत्री संवेदनशील फडणवीस यांनी मुख्यमंत्र्यांना हे विषय मांडले असले तरी चाललं असतं, मोर्च्याची गरज काय? असे प्रश्न उपस्थित करत मुख्यमंत्री संभाजीनगरच्या सभेत उत्तर देतील असं वक्तव्य संजय राऊत यांनी केलं.

Edited By - Jagdish Patil