Mumbai News : शिवसेनेत फूट पडून वर्ष उलटून गेलं तरी ठाकरे गट आणि शिंदे गटामधील धुसपूस अजूनही सुरुच आहे. दोन्ही गटातील नेते एकमेकांना टीका करण्याची एकही संधी सोडत नाहीत.

गल्लीतले कार्यकर्तेही आपआपल्या नेत्यांच्या बाजूने भक्कमपणे उभे आहेत. मात्र एकमेकांसमोर आले की त्यांच्यात राडा होतच आहे. असंच काहीसं चित्र आज वडाळ्यात पाहायला मिळालं. (Latest Marathi News)

वडाळा गणेश नगर भागात शिवसेना ठाकरे गट आणि शिंदे गट आमने-सामने आला. वडाळा येथे शाखेच्या उद्घाटनावेळी दोन गटातील कार्यकर्त्यांमध्ये वाद झाला. दोन्ही गटाच्या कार्यकर्त्यांमध्ये यावेळी बाचाबाची झाली. शिवसेना शाखेसमोरच हा वाद झाला. (Political News)

ठाकरे आणि शिंदे दोन्ही गटाचे कार्यकर्ते मोठ्या प्रमाणावर याठिकाणी उपस्थित होते. त्यामुळे काहीही तणावाची स्थिती तिथे निर्माण झाली होती. मात्र सर्व कार्यकर्त्यांना शांतता राखण्याचं आवाहन केलं जात होतं. सुदैवाने दोन्ही गटाच्या कार्यकर्त्यांनी शांतता राखली.