निवृत्ती बाबर

Mumbai News : मुंबईतील वांद्रे परिसरात शिवसेनेच्या ठाकरे गटाकडून हटके बॅनरबाजी करण्यात आली आहे. आदित्य ठाकरे यांचा 'मुंबईचा विकास पुरुष' असा बॅनरवर उल्लेख करण्यात आला आहे. वांद्रे पश्चिम विधानसभा उपविभाग प्रमुख जितेंद्र जाणावळे यांनी हे बॅनर लावले आहेत.

मुंबईला जागतिक स्थान प्राप्त करून देणारे आदित्य ठाकरे असाही उल्लेख बॅनरवर करण्यात आला आहे. आदित्य ठाकरे यांचा 13 जून रोजी वाढदिवस असल्याने बॅनर लावण्यात आला आहे. आदित्य ठाकरे यांनी वाढदिवसाला बॅनर लावू नका, असं आवाहन करून देखील ठाकरे गटाकडून मुंबईत बॅनर लावले आहेत. (Latest Marath News)

बॅनरवर काय म्हटलं आहे?

मुंबईला जागतिक स्थान प्राप्त करुन देणारे मा. आदित्य रश्मी उद्धव ठाकरे मुंबईचा विकास पुरुष .... असं लिहून आदित्य ठाकरे यांनी मुंबईसाठी केलेल्या विकासकामांची लिस्ट बॅनरवर देण्यात आली आहे.

कोस्टल रोड (मुंबई सागरी मार्ग), समुद्र किनाऱ्यावरील व्हिविंग डेक, इलेक्ट्रिक बेस्ट बसेस, इलेक्ट्रिक डबलडेकर बसेस, मनपा शाळांचे मुंबई पब्लिक स्कूलमध्ये रुपांतर, पूरमुक्त मुंबईसाठी विविध प्रकल्प, तिरुपती बालाजी मंदिरासाठी मुंबईत जमीन मंजूर अशी लिस्टच बॅनरवर दिसत आहे.