विकास मिरगणे, साम टीव्ही

नवी मुंबईतील महापालिका निवडणुकीआधी राजकीय पक्षातील कार्यकर्त्यांची नाराजी उफाळली आहे. शरद पवार गटाच्या नवी मुंबईतही कार्यकर्त्यांमध्ये नाराजीनाट्य सुरु आहे. विधानसभा निवडणुकीत बंडखोरी करणारे मंगेश आमले यांच्याकडे जिल्हाध्यक्षपद सोपावण्यात आलं आहे. यामुळे नवी मुंबईतील शरद पवार गटातील कार्यकर्त्यांमध्ये नाराजी पसरली आहे.

शरद पवार यांच्या नेतृत्वाखालील राष्ट्रवादी काँग्रेस पक्षाने मंगेश आमले यांची नवी मुंबई जिल्हाध्यक्षपदी नियुक्ती केली आहे. विधानसभेच्या निवडणुकीत मंगेश आमले यांनी पक्षाच्या अधिकृत उमेदवाराविरोधात बंडखोरी करून अपक्ष उमेदवारी अर्ज दाखल केला होता.त्यावेळी राष्ट्रवादी काँग्रेसकडून संदीप नाईक यांना उमेदवारी देण्यात आली होती. मात्र, मंगेश आमले यांच्या बंडखोरीमुळे नाईक यांचा पराभव झाला होता. त्यामुळे शरद पवार गटाला मोठा धक्का बसला होता.

त्यानंतरही शरद पवार गटाने आता मंगेश आमले यांच्यावर मोठा विश्वास दाखवला आहे. त्यांना जिल्हाध्यक्षपदाची जबाबदारी दिली आहे. यामुळे पक्षात असा सूर उमटतोय की, "बंडखोरी करणाऱ्यांना सन्मान आणि पद दिलं जातं, अशी नाराजी काही कार्यकर्त्यांतून व्यक्त होत आहे.