ShaniwarWada  Saam tv
मुंबई/पुणे

Shaniwar Wada Namaz Row : भाजप खासदार मेधा कुलकर्णींना अटक होणार? पुण्यातील शनिवारवाडा प्रकरण तापलं

Shaniwar Wada Namaz Row update : भाजप खासदार मेधा कुलकर्णींच्या विरोधात रुपाली ठोंबरे यांनी आक्रमक भूमिका घेतली आहे. ठोंबरे यांनी मेधा कुलकर्णी यांच्या अटकेची मागणी केली आहे.

Vishal Gangurde

शनिवारवाड्यात मुस्लिम महिलांच्या नमाज पठणावरून भाजप खासदार कुलकर्णींचं आंदोलन

आंदोलनाला राष्ट्रवादी काँग्रेसच्या रुपाली ठोंबरे यांनी जोरदार विरोध

रिपब्लिकन पार्टीच्या नेत्यांकडूनही मेधा कुलकर्णींवर तीव्र टीका

या प्रकरणामुळे पुण्यात राजकीय वातावरण प्रचंड तापलं

शनिवारवाड्यात मुस्लिम महिलांनी नमाज पठण केल्याने नव्या वादाला तोंड फुटलं आहे. या नमाज पठणाला विरोध करत भाजप खासदार मेधा कुलकर्णी यांनी आंदोलन केलं. खासदार मेधा कुलकर्णींच्या भूमिकेला अजित पवार गटाच्या रुपाली ठोंबरे यांनी जोरदार विरोध केला. भाजप खासदार मेधा कुलकर्णी यांच्या विरोधात आंदोलन करत त्यांच्या अटकेची मागणी केली. या शनिवारवाडा प्रकरणावरून पुण्यातील राजकीय वातावरण तापलं आहे.

शनिवारवाडा प्रकरणावरून महायुतीत वाद पेटला आहे. शनिवारवाड्यात नमाज पठण झाल्याचा आरोप करत आणि शनिवारवाड्याच्या परिसरातील कबर काढा, या मागण्यांसाठी मेधा कुलकर्णी यांनी हिंदुत्ववादी संघटनासह या शनिवारवाडा परिसरात आंदोलन केलं होतं. भाजप खासदार मेधा कुलकर्णी यांच्या आंदोलनानंतर अजित पवार गटाच्या महिला नेत्या रुपाली ठोंबरे मैदानात उतरल्या. मेधा कुलकर्णी यांच्या आंदोलनाला प्रत्युत्तर देण्यासाठी राष्ट्रवादी काँग्रेसच्या रुपाली ठोंबरे यांनी कार्यकर्त्यांसह शनिवारवाड्यात आंदोलन केलं.

कुलकर्णी यांच्यावर महायुतीमधील राष्ट्रवादी काँग्रेस पक्षाच्या प्रवक्त्या रूपाली ठोंबरे यांनी सडेतोड टीका केली. मेधा कुलकर्णी या पर्सनल अजेंडा राबवतात आणि त्यांना नौटंकी करायची सवय आहे. कुलकर्णी या भाजपाच्या असल्यामुळे भाजपच्या नेत्यांनी त्यांना थांबवायला पाहिजे. कारण त्या शिक्षिका आहेत. त्यांची डिग्री तपासावी लागेल,असं सुद्धा रूपाली ठोंबरे म्हणाल्या. यावेळी आंदोलकांनी मेधा कुलकर्णी मुर्दाबाद, मेधा कुलकर्णींवर गुन्हा दाखल करून अटक करा, अशी घोषणाबाजी केली. ठोंबरे यांच्या मागणीनंतर मेधा कुलकर्णींना अटक होणार का, हे पाहावे लागेल.

रिपाईं नेते खासदार कुलकर्णींविरोधात आक्रमक

रिपब्लिकन पार्टी ऑफ इंडियाचे नेते सचिन खरात यांनी म्हटलं की, खासदार मेधा कुलकर्णी नमाज पठणाने तुमच्या धार्मिक भावना दुखावल्या. मग शनिवारवाड्यामध्ये मस्तानी दरवाजा आहे. त्यामुळे तुमच्या धार्मिक भावना दुखत नाही का? त्याचे काय करणार, असा प्रश्न रिपब्लिकन पार्टी ऑफ इंडिया खरात गटाचे अध्यक्ष सचिन खरात यांनी उपस्थित केला. बाजीराव आणि मस्तानी यांना शमशेर नावाचा मुलगा होता. मग तुम्हाला बाजीराव चालतात मग शमशेरबद्दल तुमचं मत काय आहे, असा प्रश्न खरात यांनी उपस्थित केला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Tuesday Horoscope : लक्ष्मीची विशेष कृपा होणार; ५ राशींच्या लोकांची भरभराट होईल, तुमच्या नशिबात काय लिहिलंय?

Crime News: पंधरा वर्षांनी लहान असलेल्या भाच्यावर जडला मामीचा जीव; लग्नाला नकार देताच घेतला टोकाचा निर्णय

Asrani: बॉलिवूडचे प्रसिद्ध अभिनेते असरानी यांचे पूर्ण नाव माहितीये का?

Pune News : ऐन दिवाळीत पुणे महापालिकेत खळबळ; दोन बडे सरकारी अधिकारी निलंबित, काय आहे प्रकरण?

Govardhan Asrani Dies: प्रसिद्ध विनोदी अभिनेते असरानी यांचा जगाला अलविदा, मृत्यूपूर्वीची शेवटची पोस्ट व्हायरल

SCROLL FOR NEXT