- सुशील थोरात

शनि शिंगणापूर येथे शनी चौथाऱ्यावर जाऊन भाविकांना पुढील एक महिना शनी देवाचे दर्शन घेता येणार नाही. शनी देवाच्या चौथाऱ्याच्या नूतनीकरणाचे काम सुरु असल्याने चौथाऱ्यावर जाऊन तेलाभिषेक व दर्शन तात्पूरते बंद ठेवण्यात आले आहे.

शनि शिंगणापूर येथे राज्यासह परराज्यातील भाविकांची माेठ्या प्रमाणात गर्दी असते. या ठिकाणी आता नवीन चौथऱ्याचे काम सुरू करण्यात आले आहे. त्यामुळे केवळ चौथऱ्यावरून शनीचे दर्शन बंद करण्यात आले आहे. इतर दर्शन सुरू ठेवण्यात आले आहे.

नव्या चौथऱ्याची उत्सुकता असलेल्या जगभरातील शनि भक्तांना जुलै महिन्यात नवा चौथरा दृष्टीस पडण्याची शक्यता आहे. दरम्यान चौथऱ्याचे काम सुमारे 4 ऑगस्ट पर्यत म्हणजेच एक महिना चालेल अशी माहिती प्राप्त झाली आहे.

Edited By : Siddharth Latkar