Pune News: पुण्यामध्ये गुन्हेगारीच्या (Pune Crime) घटना दिवसेंदिवस वाढत चालल्या आहेत. अशामध्ये एका अल्पवयीन मुलीवर लैंगिक अत्याचार झाल्याचा धक्कादायक प्रकार समोर आला आहे. पीडित मुलगी गर्भवती राहिल्यानंतर हा संपूर्ण प्रकार उघडकीस आला आहे. याप्रकरणी पोलिसांनी (Pune Police) आरोपीविरोधात गुन्हा दाखल केला असून त्याचा शोध सुरु आहे.

मिळालेल्या माहितीनुसार, पुणे जिल्ह्यातील शिरुर तालुक्यातील कोरेगाव भीमामध्ये ही घटना घडली आहे. इयत्ता सहावीत शिकणाऱ्या विद्यार्थिनीवर लैंगिक अत्याचार करण्यात आले. आरोपीने पीडित मुलीला धमकावत तिच्यावर अत्याचार केले. मुलीच्या पोटात दुखत असल्यामुळे तिला डॉक्टरकडे घेऊन जाण्यात आले. त्यावेळी मुलगी गर्भवती असल्याची धक्कादायक बाब समोर आली.

संतप्त झालेल्या मुलीच्या आईने शिक्रापूर पोलिस ठाण्यात धाव घेत याप्रकरणी अज्ञात तरुणाविरोधात तक्रार दाखल केली. याप्रकरणी पोलिसांनी आरोपीविरोधात बाल लैंगिक अत्याचारासह बलात्कार प्रकरणी गुन्हा दाखल केला आहे.

शिक्रापूर पोलिसांनी दिलेल्या माहितीनुसार, 'पीडित मुलीच्या पोटात अचानक दुखू लागले. त्यामुळे तिच्या आईने तिला उपचारासाठी डॉक्टरकडे घेऊन गेली. त्यावेळी डॉक्टरांनी पीडित मुलगी गर्भवती असल्याचे सांगितले. हे ऐकून मुलीच्या कुटुंबियांना मोठा धक्का बसला. या मुलीवर सध्या उपचार सुरु आहेत.'

पीडित मुलीच्या कुटुंबियांनी तिला विश्वासात घेऊन विचारणा केली असता तिने घडलेला सर्व प्रकार सांगितले. मुलीने तिच्या आईला सांगितले की, घरा शेजारी राहणाऱ्या एका तरुणाने दुकानातून घरी जाताना तिला आपल्या घरी बोलावून घेतले. त्यानंतर त्याने तिच्यावर अत्याचार केला. जर यासंदर्भात कोणाला काहीही सांगितले तर तुला जीवे मारुन टाकीन अशी धमकी त्याने तिला दिली होती.

संतप्त झालेल्या मुलीच्या आईने नातेवाईकांसह शिक्रापूर पोलिस ठाण्यात धाव घेतली. त्यांनी या तरुणाविरोधात तक्रार दाखल केली. शिक्रापूर पोलिसांनी या अज्ञात तरुणाविरोधात गुन्हा दाखल केला. बाल लैंगिक अत्याचारसह बलात्कार प्रकरणी आरोपीविरोधात गुन्हा दाखल करण्यात आला आहे. पोलिस सध्या या प्रकरणाचा कसून तपास करत आहेत