मुंबई: साकीनाका (Sakinaka Rape Case) येथील घटनेत चाकूच्या धाकावर पीडीत महिलेवर अत्याचार आरोपीन केले आहेत. दोन व्यक्ती महिलेला धमकावत असल्याचा फोन जवळ काम करत असलेल्या एका सुरक्षा रक्षकाने पोलिस नियंत्रण कक्षाला केला होता. पीडित महिला ही रात्री ८ वाजता साकीनाका येथील बहिणीच्या घरी गणपतीला जात असल्याचे सांगून घराबाहेर पडली होती. पोलिस दलात प्रथमदर्शी तरी एकच आरोपी असल्याचे निष्पन्न होत आहे. आरोपीनी अत्याचार केल्यानंतर तिच्या गुप्तांगात जखमा तर केल्याच पण तिच्यावर चाकूने वार ही केलेले आहेत. पीडित महिलेवर यशस्वी शस्त्रक्रिया झालेली आहे. मात्र तिची प्रकृती अत्यंत नाजूक आहे.

दरम्यान, महाराष्ट्रातील महिला अत्याचाराचे सत्र काही थांबण्याचे नाव घेताना दिसत नाही. काहीच दिवसांपूर्वी पुण्यात अल्पवयीन मुलींवर झालेल्या बलात्काराची प्रकरणे ताजी असतानाच काल मुंबई मध्ये एका महिलेवर बलात्कार झाल्याची घटना समोर आल्याने खळबळ उडाली आहे. मुंबईमधील साकीनाका परिसरात काल सकाळी एका ३० वर्षीय महिलेवर बलात्कार झाल्याची धक्कादायक घटना घडली होती.

सदर घटनेत महिलेच्या गुप्तांगात घालून रॉडसारखी वस्तू घालून महिलेला जखम पोहचवल्याची माहिती समोर आली होती. आरोपी मोहन चव्हान याला पोलिसांनी अटक केली आहे. त्याचबरोबर मोहन चव्हानचं CCTV फुटेज देखील समोर आलं आहे. त्यावरुन पोलिसांनी आरोपिला अटक केली आहे. पुढील तपास पोलीस करत आहेत.

Edited By: Pravin Dhamale