मुंबई : राज्याच्या राजकारणात विधानसभा निवडणुकांचे वारे वाहतायत..अशातच लोकसभेपासून महायुतीशी दुरावलेल्या फलटणच्या राजे गटानं विधानसभेला तुतारीचा गजर करण्याचा निर्णय़ घेतलाय... फलटणचे संजीवराजे नाईक निंबाळकर, आमदार दिपक चव्हाणांनी हाती तुतारी घेत शरद पवारांच्या राष्ट्रवादीत प्रवेश केलायं. तर विशेष म्हणजे रामराजेंचे सुपुत्र अनिकेत यांनीही शरद पवारांच्या राष्ट्रवादीत प्रवेश करत हाती तुतारी घेतलीये.

दरम्यान,दीपक चव्हाणांना अजित पवार यांनी उमेदवारी जाहीर करुन देखील ते पक्ष बदलतायत. दीपक चव्हाण हे तीन वेळा आमदार म्हणून निवडून आले असून ते पुन्हा निवडणुकीच्या रिंगणात उतरणार आहेत. दीपक चव्हाण कोण पाहूयात...

दीपक चव्हाणांच्या हाती तुतारी -

- फलटण-कोरेगाव विधानसभा मतदारसंघाचे विद्यमान आमदार

- दीपक चव्हाणांना अजित पवारांकडून उमेदवारी, तरी पक्षाला सोडचिठ्ठी

- 2009, 2014, 2019च्या विधानसभा निवडणुकीत दीपक चव्हाण विजयी

- यंदा तुतारी चिन्हावर निवडणूक लढवणार

फलटणमध्ये गेल्या काही दिवसांमध्ये घडलेल्या घडामोडींमुळं तालुक्याचं राजकारण चांगलंच तापलं आहे. रामराजे निंबाळकरांनी तुतारी हाती घेतली नसली तरी पक्षप्रवेशाच्या घडामोडी आणि बैठकांमध्ये रामराजे निंबाळकर उपस्थित होते. त्यामुळे राजकीय वर्तुळात उलटसुलट चर्चांना उधाण आलंय. आगामी काळात रामराजे काय भूमिका घेतात यापेक्षा पडद्याआड कोणाला मदत करतात यावरच फलटणचं राजकीय गणित अवलंबून असणार आहे.