Sachin Waze Allegation On Anil Deshmukh 
मुंबई/पुणे

Sachin Waze: सचिन वाझेचा राजकीय भूकंप; जेलमधील वाझे यांचे अनिल देशमुखांवर गंभीर आरोप

Sachin Waze Allegation On Anil Deshmukh: माजी राज्याचे गृहमंत्री अनिल देशमुख यांच्यावर तुरुंगात असलेल्या सचिन वाझे यांनी गंभीर आरोप केलेत. देशमुखांवर आरोप करण्यावरुन राजकीय वातावरण ढवळून निघालं आहे.

ब्युरो रिपोर्ट, साम टीव्ही, मुंबई

100 कोटी वसुलीच्या जुन्या प्रकरणाला पुन्हा एक नवं वळण लागलंय. जेलमध्ये असलेला अँटिलिया स्फोटक प्रकरणातला आरोपी सचिन वाझेनं देशमुखांवर आरोप केले आहेत. याबाबत त्यानं फडणवीसांना पत्रच पाठवलंय. या पत्रात जयंत पाटलांच्या नावाचाही उल्लेख आहे. एकमेकांविरोधात पेनड्राईव्ह काढण्याची भाषा सुरू असताना यात अचानक वाझेनं राजकीय भूखंप केल्यानं राजकारण तापलंय...वाझे जेलबाहेर कसा आला? वाझेनं नेमके काय आरोप केले? यावरचा हा विशेष रिपोर्ट.

राज्यात विधानसभा निवडणुकीच्या तोंडावर जुन्या प्रकरणंवरून नवं राजकारण सुरू झालंय. मविआ सरकारच्या काळात तत्कालीन गृहमंत्री अनिल देशमुखांवरील 100 कोटींच्या वसुलीचे आरोपांना पुन्हा धार आलीय. कारण अॅन्टिलिया स्फोटक आणि मनसुख हिरण हत्येप्रकरणी जेलमध्ये असलेला एन्काऊंटर स्पेशालिस्ट सचिन वाझेनं थेट अनिल देशमुखांवरांवर खळबळजनक आरोप केले आहेत.

देशमुख हे त्यांच्या पीएच्या माध्यमातून पैसे गोळा करत असल्याचा आरोप सचिन वाझेनं केलाय. एवढंच नव्हे तर वाझेन आपल्या आरोपांच्या फैरी पवारांच्या राष्ट्रवादीचे प्रदेशाध्यक्ष जयंत पाटलांवरही झाडल्या आहेत. त्यामुळे यावरून आणखीनच राजकारण पेटणार आहे. वाझेनं केवळ आरोप केले नाहीत तर त्यानं देवेंद्र फडणवीसांना यासंदर्भात पत्रही लिहिलंय. वाझेनं केलेल्या आरोपांवर अनिल देशमुखांनी सवाल उपस्थित केले आहेत. आपण केलेल्या आरोपांना उत्तर देण्यासाठी फडणवीसांनी वाझेंच्या माध्यमातून आरोप केल्याचा दावा देशमुखांनी केलाय. तर या आरोपांची चौकशी करणार असल्याचं फडणवीसांनी सांगितलं.

फडणवीसांचं ऐकलं नाही म्हणून 100 कोटीच्या प्रकरणात गोवल्याचं सांगत देशमुखांनी फडणवीसांवर अनेक खऴबळजनक आरोप केले होते. त्यावर दोघांनीही एकमेकांविरोधात पुरावे असल्याचे दावे-प्रतिदावे केले होते. मात्र कुणीही अजून पेनड्राईव्ह बाहेर काढला नाही. मात्र जेलमध्ये असलेल्या सचिन वाझेची या प्रकरणात अचानक एण्ट्री झाली. वैद्यकीय चाचणीसाठी नेत असताना वाझेनं देशमुखांवर आरोप केले आणि पुन्हा खळबळ उडाली. त्यामुळे हे प्रकरणाला आणखीनच धार आली. कारण राजकारणात टायमिंगला महत्त्व असतं. आणि हे टायमिंग कुणाच्या फायद्याचं आहे हे पुढच्या काळात कळेलच.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maratha-OBC Quota Row: ओबीसी नेते लक्ष्मण हाकेंविरोधात पोलिसात तक्रार दाखल; काय आहे कारण?

Chandra Grahan Tips : ग्रहणाच्या वेळी अन्न दूषित होऊ नये यासाठी सोपा उपाय

Anant Chaturdashi 2025 live updates : श्रीमंत दगडूशेठ हलवाई गणपती मिरवणूक रथात विराजमान

Viral Video: शाळा आहे की मसाज पार्लर! शिक्षकाने विद्यार्थिनींकडून करून घेतली बॉडी मसाज, VIDEO पाहून तुम्हालाही येईल राग

Aayush Komkar: शेवटी सूड घेतलाच! वनराजच्या अंत्यविधीला शस्त्रपूजन करत बदला घेण्याची शपथ, अन् १ वर्षाने आयुष कोमकरची हत्या

SCROLL FOR NEXT