विधानसभा निवडणुकीत साफ अपयशी ठरलेला मनसे पक्ष नव्या जोमाने पालिका निवडणुकीसाठी सज्ज आहे. उद्धव आणि राज दोन्ही बंधू एकत्र आल्याने कार्यकर्त्यांमध्ये उत्साह वाढला आहे. किमान मुंबईत तरी ठाकरे सेना आणि मनसेला यश मिळेल, अशी आशा आहे. याच पार्श्वभूमिवर राज ठाकरेंनी मराठी माणसासाठी BMC निवडणूक शेवटची असेल, अशा इशारा दिलाय. परळमध्ये आयोजीत मनसेच्या कोकण महोत्सवात राज ठाकरेंनी कार्यकर्त्यांना काय आवाहन केलंय ते पाहूया.

मतदारयांद्यामधील घोळ उघड करत ठाकरे बंधूंनी एकीची वज्रमुठ आवळली आहे. गेल्या काही महिन्यात अनेकवेळा राज -उद्धव यांच्या गाठीभेटी झाल्यात. अजून दोन्ही पक्षांच्या युतीची अधिकृत घोषणा झाली नाही. मात्र ठाकरे बंधूंसाठी पालिका निवडणूक अस्तित्वाची लढाई ठरणार आहे. आता मराठी मतदार जागृत होऊन राज ठाकरेंच्या आवाहनाला प्रतिसाद देणार का? याकडे सगळ्याचं आहे.