Rahul Narvekar vs Hira Nawasi Dewasi, Kulaba Exit Poll result 2024 : कुलाबा विधानसभा मतदारसंघावर यंदा कुणाचा झेंडा फडकणार? याबाबत अनेक तर्कवितर्क लावले जात आहेत. पण एक्झिट पोलच्या अंदाजानुसार, कुलाब्यात भाजपचे पारडे जड दिसत आहे. राहुल नार्वेकर यांना मतदारांनी पुन्हा कौल दिल्याचं एक्झिट पोलच्या आकड्यातून स्पष्ट होत आहे.

राहुल नार्वेकर (Rahul Narvekar) तिसऱ्यांदा कुलबा मतदारसंघातून भाजपकडून निवडणुकीच्या रिंगणात उतरले. तर, महाविकास आघाडीकडून काँग्रेसचे हिरा नवाजी देवासी (Hira Nawasi Dewasi) यांना संधी दिली होती. एक्झिट पोलच्या अंदाजानुसार, कुलाबामधील मतदारांनी भजपच्या पारड्यात मतांचं दान टाकल्याचे दिसतेय.

काँग्रेसचा कधीकाळी गड असलेल्या कुलाब्यात पुन्हा एकदा भाजपला यश मिळत असल्याचे दिसत आहे. मागील दोन टर्ममध्ये भाजपनं कुलाबा मतदारसंघावर आपली पकड मजबूत केली आहे. 2014 आणि 2019 च्या विधानसभा निवडणुकीत भाजप उमेदवारांनी या मतदारसंघात मोठ्या मताधिक्यानं विजय मिळवला होता. काँग्रेसच्या मतदारसंघात कमळ फुललं होतं. आता पुन्हा एकदा या मतदारसंघात भाजपला यश मिळत असल्याचे एक्झिट पोलच्या आकड्यावरुन दिसत आहे.