पुणे शहरातील सावित्रीबाई फुले पुणे विद्यापीठ चौकात सर्वात जास्त हवा प्रदूषित झाल्याचे समोर आले आहे. सावित्रीबाई फुले पुणे विद्यापीठातील हा चौक हा काही वर्षापासून शहरातील हवा प्रदूषणाचा टॉपचा हॉटस्पॉट झालेला आहे. कारण या चौकात सुरू असलेल्या उड्डाणपुलाच्या कामामुळे दररोज मोठ्या प्रमाणात वाहतूक कोंडी होते.

या ठिकाणी अति सूक्ष्म धुलिकणांचे प्रमाण ९९ मायक्रो ग्रॅम प्रति चौरस मीटर इतके वाढले आहे. हे प्रमाण ६० इतके असायला हवे मात्र ते पावणेदोन पटीने वाढल्याने नागरिकांच्या आरोग्यावर मोठा परिणाम होण्याची शक्यता आहे. पुणे शहरातील सिंहगड रस्त्यावर रेस्पायर सायन्ससेस नावाचे हवामान विषयक स्टार्टअप २०१७ पासून कार्यरत आहे. त्यांच्यासोबत गुगल मॅपने हवा प्रदूषण मोजण्यासाठी सामंजस्य करार केला आहे.

यात देशातील सुमारे १५० शहरांच्या हवेच्या गुणवत्तेचा अहवाल ही संस्था दर महिन्याला देत आहे यात पुणे आणि पिंपरी चिंचवडचा समावेश आहे. दरम्यान, आज मुंबईत २०.९९ अंश सेल्सिअस किमान तापमानाची नोंद झाली. हवामान खात्याच्यामते, ढगाळ वातावरण राहण्याची शक्यता आहे. कमाल तापमान २५.७४ सेल्सिअस राहण्याता अंदाज आहे.

रविवारी सांताक्रूझ वेधशाळेत कमाल आणि किमान तापमान अनुक्रमे 33.7 अंश सेल्सिअस आणि 17.2 अंश सेल्सिअस नोंदले गेले आणि नोव्हेंबरच्या मध्यात पारा 15- 16 अंश सेल्सिअसपर्यंत घसरला. मात्र, डिसेंबरचा पहिला आठवडा या महिन्यातील आतापर्यंतचा सर्वात उष्ण दिवस ठरला.