सचिन जाधव, पुणे
पुणेकरांसाठी महत्वाची बातमी हाती आली आहे. पुण्यातील काही भागात गुरुवारी पाणीपुरवठा बंद राहणार आहे. पुण्याच्या पर्वती येथील पाण्याच्या टाकीचे दुरुस्तीचे काम करायचे असल्याने पाणीपुरवठा बंद करण्याचा निर्णय घेण्यात आला आहे, अशी माहिती महापालिकेच्या पाणीपुरवठा विभागाने दिले आहे. (Latest Marathi News)
मिळालेल्या माहितीनुसार, पुण्यात गुरुवारी पर्वती येथील पाण्याच्या टाकीचे (एचएलआर) विद्युत, पंप व स्थापत्य विषयीची कामे करण्यात येणार आहे. या निर्णयामुळे पुण्यातील सहकारनगर, गुलटेकडी परिसर, कोंढवा, पर्वती, धनकवडी, कात्रज परिसरामध्ये पाणी पुरवठा बंद असणार आहे. तर दुसऱ्या दिवशी शुक्रवारी सकाळी उशिरा व कमी दाबाने पाणी पुरवठा होणार आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
पाणी पुरवठा बंद असणारा परिसर पुढीलप्रमाणे :
सहकारनगर, पद्मावती, शेळकेवस्ती, महेश सोसायटी, प्रेमनगर, आंबेडकरनगर, डायसप्लॉट, ढोलेमळा, सॅलिसबरी पार्क, पद्मावती टॅंकर भरणा केंद्र, पर्वती दर्शन, तळजाई अप्पर इंदिरानगर, बिबवेवाडी, बिबवेवाडी गावठाण, मुकुंदनगरचा काही भाग, महर्षीनगर, गंगाधाम, चिंतापणीनगर, भाग एक व दोन, लेकटाऊन, शिवतेजनगर,लोअर इंदिरानगर,
गिरीधरभवन, ठाकरे वसाहत, पर्वती गावठाण, मिठानगर, शिवनेरीनगर, भाग्योदयनगर, ज्ञानेश्‍वर नगर, साईबाबानगर, कोंढवा खुर्द (सर्व्हे क्रमांक ४२, ४६) परिसर, पर्वती टॅंकर भरणा केंद्र, कात्रज, धनकवडी या परिसरामध्ये गुरुवारी पाणी पुरवठा बंद असणार आहे.