अश्विनी जाधव केदारी

पुणे: शहर वाहतूक पोलिसांच्या (Pune Traffic Police) अजब कारभारामुळे हसावे का रडावे असा प्रश्न आता नागरिकांना पडू लागला आहे, त्याचं कारण म्हणजे पुण्यातील (Pune) वाघोली येथील एका कार चालकाला पुणे वाहतूक शाखेच्या वतीने चक्क हेल्मेट नसल्‍याचे नसल्याने पाचशे रुपये दंड ठोठावला आहे! या कारचा नंबर (एम एच12 क्यु बी1007) असा आहे. या दंडाची नोटीस मालकाला पुणे जिल्हा विधी सेवा प्राधिकरण सचिवाकडून मिळाली आहे.

हे देखील पहा-

वाघोली Wagholi येथे राहणाऱ्या सातव यांना पुणे शहर पोलीस दलातील पुणे शहर वाहतूक शाखेकडून 2018 साली हेल्मेट परिधान न केल्याने पाचशे रुपयांचा दंड ठोठावला आहे. तर त्याच दिवशी सिग्नल वरील व्हाईट पट्टा क्रॉस केल्याप्रकरणी अजून दोनशे रुपयांचा दंड ठोठावला आहे. याबाबतचे नोटिसा त्यांना प्राप्त झाले आहे.

ही नोटीस पाहून सातव यांना हसावे की रडावे असा प्रश्न पडला आहे. पुणे पोलिसांच्या अशा कारभारामुळे पुणे पोलिस वाहतूक शाखेच्या कार्यपद्धतीवर प्रश्नचिन्ह उपस्थित होत आहे.