विधान परिषदेच्या शिक्षक आणि पदवीधर निवडणुकीत अर्ज मागे घेण्याची तारीख उलटल्यानंतरही उमेदवारांच्या पाठिंब्यावरून राजकारण रंगलंय. पुणे शिक्षक मतदारसंघाच्या निव़णुकीत महायुतीत नवा ट्विस्ट आलाय़. शिंदेसेनेनं आपला अधिकृत उमेदवार मागे घेतल्यानंतर आता अचनाक आपल्याच पक्षातल्या बंडखोराला भाजपविरोधात पाठिंबा देण्याच्या हालचाली सुरू केल्या आहेत. भाजपकडून कौस्तुभ गावडे मैदानात आहेत. तर शिंदेसेनेकडून इच्छुक असणाऱे सचिन सानप अपक्ष रिंगणात आहेत. आता शिंदेसेनेना सचिन सानप यांना पाठिंबा देण्य़ाच्या तयारीत असल्याची माहिती सूत्रांनी दिलीय. त्यामुळे महायुतीतच मैत्रीपूर्ण लढत होण्याची शक्यता निर्माण झालीय. तसे संकेत शिंदेसेनेच्या मंत्र्यांनी दिले आहेत.

हीच रणनीती ठरवण्यासाठी उपमुख्यमंत्री एकनाथ शिंदेंच्या निवासस्थानी खलबतं झाली. विशेष म्हणजे या बैठकिला बंडखोर उमेदवार सचिन सानपही उपस्थित होते. त्यामुळे या चर्चांना आता बळ आलंय.

शिंदेसेनेनं सचिन सानपांना अधिकृत पाठिंबा दिल्यास भाजप उमेदवाराच्या अडचणी वाढण्याची शक्यता आहे. त्यामुळेच मुख्यमंत्री फडणवीसांनी पुणे दौऱ्यात भाजप उमेदवारासोबत चर्चा केल्याचं समजतंय. सचिन सानप निवडणूक लढण्यावर ठाम असले तरी मतदानाच्या दिवसापर्यंत काय खलबतं होतात याबाबत उत्सुकता कायम आहे.