पुण्यात गुन्हेगारी घटनांमध्ये वाढ होत असतानाच नवरा बायकोच्या नात्याला काळीमा फासणारी घटना समोर आली आहे. पतीकडेच शरीरसंबंधाची मागणी करताच पतीनं नकार देत तिच्या गुप्तांगावर सिगारेटचे चटके दिले. ही धक्कादायक घटना पुण्यातील येरवडा येथील असल्याची माहिती समोर आली आहे. या प्रकरणी पीडित विवाहितेनं पोलीस ठाण्यात जाऊन तक्रार दाखल केली. पोलिसांनी पतीसह सासरच्या ५ मंडळींविरोधात येरवडा पोलीस ठाण्यात तक्रार दाखल केली.

पोलिसांनी दिलेल्या माहितीनुसार, ११ एप्रिल १०१५ रोजी महिलेचं आरोपी पतीसह विवाह झाला होता. लग्नाला ६ महिने उलटले तरीही पती - पत्नीमध्ये वैवाहिक संबंध नव्हते. लग्नाच्या पहिल्याच दिवसापासून पती पत्नीपासून दूर राहत होता. यानंतर महिलेनं पुढाकार घेऊन पतीसोबत शरीरसंबंध ठेवण्याचा प्रयत्न केला. मात्र, पती घराबाहेर जाऊन झोपत होता. विवाहितेनं याची माहिती सासरच्या मंडळींना दिली.

परुंतु, सासरच्या मंडळींनी तिला मदत करण्याऐवजी 'बाहेर कुणाला सांगू नको', अशी धमकी दिली. त्यानंतर सासरच्या मंडळींकडून तिच्यावर वारंवार छळ केला जात होता. अत्याचार वाढत गेला. याच त्रासाला कंटाळून महिलेनं धाडस करत पोलीस ठाणे गाठले. तसेच सासरच्या मंडळींविरोधात तक्रार दाखल केली.

२९ वर्षीय विवाहितेनं येरवडा पोलीस ठाण्यात तक्रार दाखल केली. तक्रारीनुसार, पोलिसांनी पती, सासू, नणंद, चुलत नणंद, चुलत सासरे यांच्याविरोधात गुन्हा दाखल केला.

गुप्तांगावर आणि मांडीवर सिगारेटचे चटके

विवाहितेनं पोलिसांनी सांगितले की, पती शरीरसंबंध ठेवण्यास पुढाकार घेत नसल्यामुळे तिनं डॉक्टरांकडे जाण्याचा सल्ला दिला. त्यानं आपण फिट असल्याचं सांगितलं. त्यानंतर महिलेनं माहेरी जाण्यची धमकी दिली. आरोपीनं संतापून विवाहितेला बेडरूममध्ये नेऊन तिच्या गुप्तांगावर आणि मांडीवर सिगारेटचे चटके दिले.

सध्या विवाहित महिला माहेरी राहत असून, सध्या पोलिसांकडून पुढील तपास सुरू आहे. या घटनेनंतर परिसरात खळबळ उडाली आहे.