अक्षय बडवे, साम टीव्ही प्रतिनिधी

पुणे : पुणे हिट अँड रन प्रकरणामुळे राज्यातील राजकीय वातावरण तापलं आहे. विरोधकांकडून आरोपींवर कारवाईची मागणी केली जात आहे. पोलिसांनकडूनही या प्रकरणाचा तपास सुरु आहे. या प्रकरणात अल्पवयीन आरोपीच्या रक्ताचे नमुने बदलल्याचेही समोर आले आहे. या प्रकरणात आता आणखी एक नवीन माहिती समोर आली आहे. या अपघातात दोन जणांचा जीव घेणाऱ्या पोर्शे कारची नोंदणी रद्द करण्यात आली आहे. आरटीओने या पोर्शे कारची नोंदणी रद्द केली आहे.

पुण्यात अल्पवयीन मुलाने पोर्श कार चालवत दुचाकीवरील दोघांना उडवलं. या अपघाता दोघांचा मृत्यू झाला. या अपघातानंतर आरोपीवर कारवाईची मागणी केली जात आहे. या प्रकरणी आरटीओने वाहतुकीचे नियम मोडल्या प्रकरणी कारवाई कारवाई केली आहे.

आरटीओने अल्पवयीन आरोपीने चालवलेल्या कारची नोंदणी रद्द केली आहे. मोटर व्हेहिकल अॅक्टमध्ये असलेल्या तरतुदीनुसार प्रादेशिक विभागाकडून कारवाई करण्यात आली आहे. या प्रकरणी पुणे आरटीओकडून बेंगळुरू आरटीओला देखील पत्र पाठवले आहे.

चौकशीसाठी नर्सला बोलावलं

पुण्यातील कल्याणीनगर अपघात प्रकरणी ब्लड सॅम्पल फेरफार प्रकरणी ससूनच्या काही नर्सला चौकशीसाठी पुणे पोलिसांनी बोलावलं आहे. या प्रकरणात पोलिसांनी दोन डॉक्टरांना पुणे पोलिसांनी अटक केली आहे. या दोन्ही डॉक्टरांसमवेत असणाऱ्या नर्सला पोलिसांनी चौकशीसाठी बोलावलं आहे.

ससूनमधील त्या तिघांची सखोल चौकशी होणार

पुणे पोर्शे अपघात प्रकरणी डॉ. अजय तावरे, डॉ श्रीहरी हाळनोर, अतुल घटकांबळे यांची सखोल चौकशी होणार आहे. या चौकशीसाठी तिघांना पुणे पोलीस आयुक्तालयात आणले गेले आहे. या प्रकरणी आर्थिक रसद, ब्लड रिपोर्ट फेरफार करणे, मोबाईलमधील मेसेजेस आणि कॉल अशा अनेक गोष्टींची चौकशी होणार आहे. डॉ अजय तावरे आणि डॉ श्रीहरी हाळनोर यांना आज न्यायालयात दाखल करणार आहे.