राज्यात यंदा झालेल्या दमदार पावसामुळे डास मोठ्या प्रमाणात वाढले असून, त्याचा परिणाम म्हणून साथीच्या आजारांचा धोका देखील वाढला आहे. विशेषतः डेंग्यू आणि मलेरियाच्या रुग्णसंख्येत लक्षणीय वाढ झाल्याने आरोग्य यंत्रणा सतर्क झाली आहे. २१ जुलैपर्यंत पुणे जिल्ह्यात डेंग्यूचे ३ हजार ७६२, तर मलेरियाचे २ हजार ३६ रुग्ण आढळून आल्याची माहिती आरोग्य विभागाने दिली आहे.

आरोग्य विभागाच्या अधिकाऱ्यांनी दिलेल्या माहितीनुसार, पावसामुळे अनेक ठिकाणी पाणी साचत असल्याने डासांना अंडी घालण्यासाठी पोषक वातावरण निर्माण झाले आहे. त्यामुळे नागरिकांनीही घराच्या परिसरात स्वच्छता राखणे, पाणी साचू न देणे आणि आवश्यक ती खबरदारी घेणे गरजेचे आहे. पुण्यात २१ जुलैपर्यंत पुणे जिल्ह्यात डेंग्यूचे ३ हजार ७६२, तर मलेरियाचे २ हजार ३६ रुग्ण आढळून आल्याची माहिती

वाढत्या रुग्णसंख्येच्या पार्श्वभूमीवर आरोग्य विभागाने विविध उपाययोजना हाती घेतल्या आहेत. शहर व ग्रामीण भागात मोहीम राबवण्यात येत आहे. ताप, अंगदुखी, डोकेदुखी, उलट्या, अशक्तपणा किंवा त्वचेवर पुरळ यांसारखी लक्षणे दिसल्यास त्वरित रुग्णालयात तपासणी करून घ्यावी, असे आवाहन करण्यात आले आहे.

साथीच्या आजारांचा संभाव्य उद्रेक टाळण्यासाठी प्रशासन आणि नागरिक या दोघांनीही संयुक्तपणे जबाबदारी पार पाडल्यास परिस्थितीवर प्रभावी नियंत्रण मिळविणे शक्य होईल, असा विश्वास आरोग्य विभागाने व्यक्त केला आहे.