Pune: पुणे शहरात गेल्या काही दिवसांपासून कोयता गॅंगने जोरदार दहशत माजवली होती. त्यामुळेच नागरिकांमध्ये भितीचे वातावरण पसरले होते. सार्वजनिक ठिकाणी कोयते दाखवत या गुंडांकडून हल्ला केल्याच्या घटना अनेक ठिकाणी घडल्या होत्या. या धक्कादायक प्रकारांमुळे सामान्य नागरिकांमध्ये भितीचे वातावरण पसरले होते. त्याचसोबत पोलिसांचाही या कोयता गॅंगला धाक नसल्याचे बोलले जात होते.

याच पार्श्वभूमीवर पोलिसांकडून आता कोयता गॅंगवर जोरदार कारवाई करण्यास सुरूवात केली आहे. (Pune Police)

समोर आलेल्या माहितीनुसार, पुणे पोलिसांनी कोयता गॅंगवर एक्शन घेण्यास सुरूवात केली आहे. कॉंम्बिंग ऑपरेशनच्या माध्यमातून ही कारवाई केली जात आहे. पोलिसांच्या या कारवाईत आत्तापर्यंत १०८ पेक्षा अधिक कोयते जप्त करण्यात आले आहेत. संपूर्ण शहरभरात ही कारवाई केली जात असून पुणे पोलिस आयुक्तांच्या मार्गदर्शनाखाली गुन्हे शाखे अंतर्गत या बेधडक कारवाईला सुरूवात केली आहे.

या बेधडक कारवाईत कोयता वापरणाऱ्या गुन्हेगारावर कारवाई करण्यात येत आहे. त्याचबरोबर आत्तापर्यंत ८० आरोपींना लिस्टही करण्यात आले आहे. या कारवाईबाबत बोलताना पोलिसांनी कोयता गॅंग वगेरे काही नाही, नवीन गुन्हेगार कोयता वापरत आहेत असाही खुलासा पोलिसांनी केला आहे.

दरम्यान, पोलिसांच्या या कारवाईनंतर पालकमंत्री चंद्रकांत पाटील यांनी गृहमंत्री देवेंद्र फडणवीस (Devendra Fadanvis) यांचे आभार मानले आहेत. पुण्यात दहशत माजवणाऱ्या कोयता गॅंगवर कारवाई केल्याबद्दल पुणे पोलिसांचे तसेच मार्गदर्शक देवेंद्रजी फडणवीस यांचे आभार असे ट्विट त्यांनी केले आहे.