सागर आव्हाड, साम प्रतिनिधी

वादग्रस्त अधिकारी पूजा खेडकर प्रकरणात अजून एक अपडेट समोर आलीय. पुणे पोलीस लैंगिक शोषणाच्या तक्रारीची चौकशी करणार आहेत. प्रशिक्षणार्थी आयएएस अधिकारी पूजा खेडकर यांनी पुण्याचे जिल्हाधिकारी सुहास दिवसे यांच्यावर लैंगिक शोषणाचा आरोप केला होता. याच प्रकरणाची आता चौकशी केली जाणार आहे.

या प्रकरणाची चौकशी करण्यासाठी पोलिसांनी पूजा खेडकर यांना नोटीस बजावलीय. उद्या पुणे आयुक्त कार्यालयात त्यांना चौकशीसाठी हजर राहण्याचे आदेश देण्यात आलेत. पूजा खेडकर यांनी पुणे जिल्हाधिकारी सुहास दिवसे यांच्यावर लैंगिक शोषणाचे आरोप केले होते.

पूजा खेडकर यांनी मंगळवारी पुण्याचे जिल्हाधिकारी सुहास दिवसे यांच्यावर लैंगिक शोषणाचा आरोप करत त्यांच्याविरोधात वाशिम पोलिसांत तक्रार दिली होती. आता या प्रकरणाने जोर पकडला असून खेडकर यांनी केलेल्या आरोपांची चौकशी केली जाणार आहे. त्यांचा जबाब नोंदवण्यासाठी त्यांना पुणे पोलीस आयुक्तांच्या कार्यलयात हजर राहण्याचे आदेश देण्यात आलेत.

पूजा खेडकर यांनी पुण्याचे जिल्हाधिकारी सुहास दिवसे यांच्याविरोधात छळवणुकीची तक्रार वाशीम पोलिसांकडे दाखल केलीय. ती तक्रार पुणे पोलिसांकडे वर्ग करण्यात आलीय. त्यानंतर पुणे पोलिसांनी पूजा खेडकर यांचा नव्याने जबाब नोंदवायच ठरवलंय. त्यासाठी पूजा खेडकर यांना पोलिसांनी उद्या जबाब नोंदवण्यासाठी हजर राहण्यास सांगितलंय.

पुणे पोलीस दलातील महिला अधिकारी पूजा खेडकर यांचा जबाब नोंदवणार आहेत. त्यानंतर पुण्याचे जिल्हाधिकारी सुहास दिवसे यांच्याविरोधात करण्यात आलेल्या तक्रारीबाबत काय करायचं याचा निर्णय घेण्यात येणार आहे. दरम्यान पुणे पोलिसांची नोटीस घेऊन वाशीम पोलिसांच्या महिला अधिकारी पूजा खेडकरांकडे वाशीमच्या विश्रामगृहावर पोहचल्या आहेत.