पुण्यातील आयटी पार्क हिंजवडीतून अपघाताची घटना उघडकीस आली आहे. डंपर ट्रक चालकाने एका तरूणीला चाकाखाली चिरडले आहे. मिळालेल्या माहितीनुसार, तरूणी आपल्या वडिलांसोबत दुचाकीवरून जात होती. वडील दुचाकीच्या मागे बसले होते. मात्र ट्रकने धडक दिल्यामुळे दुचाकीचा अपघात झाला. तसेच तरूणी चाकाखाली आली.

प्राथमिक माहितीनुसार, हा भीषण अपघात आयटी पार्क हिंजवडी परिसरात घडला. तरूणी आपल्या वडिलांसोबत दुचाकीवरून जात होती. तरूणी दुचाकी चालवत होती. पुनावडे रोडवरील लाइफ रिपब्लिक सोसायटी समोरून जात असताना भरधाव डंपर ट्रकने धडक दिली. या धडकेत दुचाकीवरील तरूणी आणि वडील रस्त्यावर पडले.

तरूणी थेट डंपरच्या खाली गेली. तसेच चाकाखाली चिरडली गेली. या अपघातात तन्वी सिद्धेश्वर साखरे (वय वर्ष २०) या निष्पाप तरूणीचा दुर्देवी मृत्यू झाला. हा अपघात घडल्यानंतर स्थानिक नागरिकांनी घटनास्थळी धाव घेतली. तसेच ट्रक चालकाला पकडून हिंजवडी पोलिसांच्या ताब्यात दिला आहे.

तसेच स्थानिक नागरिकांनी पोलिसांना या घटनेबाबत माहिती दिली. पोलिसांनी या घटनेचा तपास सुरू केला आहे. मात्र आयटी पार्क हिंजवडी मान आणि मारुंजी परिसरात डंपर ट्रकच्या चाकाखाली निष्पाप नागरिकांच्या होणाऱ्या अपघातामुळे नागरिकांना मोठा मनस्ताप सहन करावा लागत आहे. नियमबाह्य वेळेत तसेच बेदरकारपणे चालणाऱ्या डंपर ट्रक चालकांवर पिंपरी चिंचवड वाहतूक पोलीस आणि प्रादेशिक परिवहन विभागाने कारवाई करावी अशी मागणी नागरिक करत आहेत.