आर्य संगती प्रसारक मंडळाद्वारे दरवर्षी आयोजित करण्यात येणाऱ्या सवाई गंधर्व भीमसेन महोत्सवाला आजपासून सुरूवात झाली. सवाई गंधर्व भीमसेन महोत्सवासाठी पीएमपीने आजपासून ते २२ डिसेंबरपर्यंत मुकुंदनगर येथील महाराष्ट्रीय मंडळ क्रीडा संकुल येथून विशेष बस सोडण्याचा निर्णय घेतला आहे.
सवाई गंधर्व संगीत महोत्सवाच्या श्रोत्यांसाठी कार्यक्रम संपल्यानंतर परतीच्या सोयीसाठी पीएमपीकडून २५ टक्के जादा तिकीट दर आकारला जाणार आहे. १८ ते २० आणि २२ डिसेंबर रोजी रात्री साडेदहा वाजता मुकुंदनगर येथून बस सुटतील. तर २१ डिसेंबर रोजी रात्री साडेबारा वाजता मुकुंदनगर येथून बस सुटणार आहेत.
तसंच, स्वारगेट मेट्रो स्थानक ते मुकुंदनगर अशी देखील बससेवा असणार आहे. त्याचा तिकीट दर १० रुपये असणार आहे. जास्तीत जास्त प्रवाशांनी या बस सेवेचा लाभ घ्यावा, असे आवाहन पीएमपी प्रशासनाकडून करण्यात आले आहे. या विशेष बस सेवा कोण-कोणत्या मार्गावर धावणार आहेत याची देखील माहिती समोर आली आहे.
मुकुंदनगर ते निगडी भक्ती शक्ती – दांडेकर पूल, डेक्कन, वाकडेवाडी, कासारवाडी, पिंपरी, चिंचवड स्टेशन.
मुकुंदनगर ते धायरी मारूती मंदिर – दांडेकर पूल, विठ्ठलवाडी, आनंदनगर, वडगाव फाटा, धायरी गाव.
मुकुंदनगर ते कोथरूड डेपो – टिळक रोड, डेक्कन कॉर्नर, पौड फाटा, जयभवानीनगर, वनाज कंपनी.
मुकुंदनगर ते वारजे माळवाडी – डेक्कन कॉर्नर, पौड फाटा, कोथरूड स्टॅण्ड, गांधी भवन, कर्वेनगर.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.