Pune: पुण्यात एमपीएससीचे विद्यार्थी महाराष्ट्र लोकसेवा आयोगाने परीक्षा पध्दतीत केलेले बदल २०२५ पासून लागू करावेत. तसेच याबद्दलचे नोटीफिकेशन लगेच जारी करण्यात यावे यासाठी आंदोलन करत आहेत. गेल्या दोन दिवसांपासून हे आंदोलन सुरु आहे. आज रात्री उशिरा राष्ट्रवादी काँग्रेसचे प्रमुख शरद पवार यांनी भेट दिली आहे. यावेळी काँग्रेसनेते अतुल लोंढेही उपस्थित होते. (Sharad Pawar)

आंदोलन स्थळी भेट दिल्यानंतर शरद पवार यांनी विद्यार्थ्यांशी संवास साधला. यावेळी शरद पवार म्हणाले की, "मला एका विद्यापीठाचे कुलगुरु भेटले. त्यांनी एक पत्र दिलं. एमपीएससीची तयारी करणाऱ्या विद्यार्थ्यांच्या प्रश्नावर तोडगा काढून प्रश्न तडीस लावावा. तुमचं दुखणं माझ्याकडे कालच कुलगुरूंनी मांडलं आहे. याबाबत मी मुख्यमंत्री एकनाथ शिंदे यांच्याशी संवाद साधला आहे."

दरम्यान शिंदे यांनी विद्यार्थी प्रतिनिधी, स्वत: मी, महाराष्ट्र लोकसेवा आयोग आणि कुलगुरू असे सर्व मिळवून मुख्यमंत्र्यांसोबत बैठक घेऊ. विद्यार्थ्यांनी त्यांची बाजू मांडावी. मी स्वत: तुमच्यासोबत येईल, असं आश्वासन शरद पवार यांनी विद्यार्थ्यांना दिले. यावेळी शरद पवार यांनी विद्यार्थी प्रतिनिधींचे नावं घेतली. (Pune)