>> सचिन जाधव

पुणे : सर्वसामान्य नागरिकांना फेब्रुवारी महिन्याच्या पहिल्याच दिवशी महागाईचा झटका बसला आहे. कारण आजपासून दूध खरेदीसाठी दोन रुपये जास्त मोजावे लागणार आहेत.

सहकारी व खासगी दूध डेअर्‍यांनी गायीच्या दुधाच्या दरात दोन रुपयांनी वाढ केली आहे. महाराष्ट्र राज्य दूध व्यावसायिक संघटनेने याबाबत निर्णय घेतला आहे.

महाराष्ट्र राज्य दूध व्यावसायिक संघटनेने घेतलेल्या निर्णयानुसार ही दरवाढ आजपासून लागू होणार आहे. राज्यातील दूध संघाच्या ऑनलाईन झालेल्या बैठकीत हा निर्णय घेण्यात आला आहे. संघटनेचे सचिव प्रकाश कुतवळ यांनी याबाबतची माहिती दिली आहे.