Guillain Barre Syndrome Cases In Pune : कोरोना, मंकी पॉक्सनंतर आता राज्याला एका नव्या आजारानं घेरलंय. गुइलेन-बॅरे सिंड्रोम! मेदूच्या कार्यक्षमतेवर परिणाम करणाऱ्या या आजाराचे संशयित रुग्ण समोर आल्यानं आरोग्यव्यवस्था अलर्ट मोडवर आलीये. लाखात एका व्यक्तीला होणाऱ्या या आजाराची पुण्यात तब्बल २२ जणांना लागण झाली आहे. नेमका हा आजार काय आहे पाहुयात.

गुईलेन बॅरे सिंड्रोम म्हणजे काय?

- गुईलेन बॅरे सिंड्रोमचा थेट नसांवर परिणाम

- आजारामुळे स्नायू कमकुवत आणि संवेदनाहीन

- हातापायाला आधी मुंग्या नंतर अर्धांगवायुचा धोका

- कमी आणि उच्च रक्तदाबाचा त्रास

- स्नायू कमकुवत झाल्यामुळे श्वास घेण्यात अडथळा

- गिळण्यात अडचण तसंच डोळ्यांची समस्या

राज्यात गुईलेन बॅरे सिंड्रोम या आजारानं डोक वर काढल्यामुळे सगळ्यांची चिंता वाढलीये. मात्र हा आजार नेमका कशा मुळे होतो ते देखील पाहुया.

कशामुळे होतो गुईलेन बॅरे सिंड्रोम?

- रोग प्रतिकारशक्ती कमी असेल तर आजाराचा धोका

- कोणतंही व्हायरल इंफेक्शन झालं असल्यास गुईलेन बॅरे सिंड्रोमची लागण होऊ शकते.

गुईलेन बॅरे सिंड्रोम होऊ नये यासाठी काळजी घेण्याचं आवाहन करण्यात आलंय.

काय काळजी घ्याल ?

- आपले हात वारंवार धुवा.

- फ्लूबाधित आणि इतर संक्रमित रुग्णांपासून दूर राहा.

- रोगप्रतिकारशक्ती वाढवण्यासाठी योग्य आहार आणि नियमित व्यायाम करा

गुईलेन-बॅरे सिंड्रोम हा आजार शरीरातील नसांवर परिणाम करतो त्यामुळे जर तुमच्या शरीराला वारंवार मुंग्या येत असतील किंवा स्नायू कमकुवत होत असतील तर तातडीनं डॉक्टरांचा सल्ला घ्या.